له رووسیا و له هێرشێكی چه‌كداریدا سێ ئه‌ندامی خێزانێکی کوردی ده‌كوژرێن كه یه‌كێك له قوربانییه‌كان منداڵێكی پێنج ساڵانه.
لە گوندی ڤەڵچانسکۆی سەر بە پارێزگای ڤارۆنیژی رووسیا، هێرشێکی چەکداری کراوەتە سەر خێزانێکی کورد و سێ ئەندامی خێزانەکە کوژران.
خێزانه كورده‌كه كه پێکهاتوون لە دایک و کوڕ و نەوەکەی به ناوه‌كانی، گوڵستان ئیبراهیمۆڤا ته‌مه‌ن په‌نجا و نۆ ساڵ ، نادر ته‌مه‌ن نۆزده ساڵ و ئەزیس ته‌مه‌ن پێنج ساڵ، لەلایەن رووسێکەوە کوژران.
ئەم خێزانە کوردە ماوەی زیاتر لە بیست ساڵه لە قیرغیزستانەوە کۆچیان کردووە و لەم گوندە دەژین.پێشتر هیچ کێشەیەکیان لەگەڵ کەسدا نەبووە، دواجار شەوی حه‌ڤده‌ی ئه‌م مانگه رووسێک بە ناوی "ڤیکتەر میرسکۆی" ته‌مه‌ن په‌نجا و نۆ ساڵ کە دانیشتووی گوندەکەیە، هێرشی کردووه‌ته سه‌ریان.
وه‌ك چه‌ند شایه‌تحاڵه‌ێكی رووداوەکە باسی لێوه ده‌كات هێرشەکە نەژادپەرستانە بووە. کەسانی نزیک لە رووداوەکەش دەڵێن: بکوژه‌كه جگه له‌و خێزانه كورده پێشتر هەڕەشەی دەرکردنی سەرجەم کوردانی نیشتەجێی گوندەکەی کردووە.
له‌ئێستا بکوژه‌كه لەلایەن پۆلیسی ناوچەکە دەستگیرکراوە و پەڕاوی لێکۆڵینەوە بۆ رووداوەکە کراوەتەوە.
کۆمێنت (0)
تا ئێستا هیچ کۆمێنتێک نەکراوە.