له درێژه‌ی ڕكابه‌رییه‌كانی خولی تۆپی پێی یانه‌كانی ئه‌مه‌ریكا، یانه‌ی سیاتل ساوندێرز سه‌ركه‌وتنی له ده‌ره‌وه‌ی یاریگای خۆی به‌ده‌ستهێناو به دوو گۆڵ به‌رامبه‌ر به گۆڵێك له یانه‌ی سپۆرتینگ كانساس سیتی میوانداری برده‌وه.
له گێمی یه‌كه‌مدا، سیاتل ساوندێرز به گۆڵێك پێشكه‌وت، گۆڵه‌كه‌ش یاریزان كریستیان ڕۆلدان له خوله‌كی سیی و یه‌ك تۆماری كرد، له گێمی دووه‌م و له خوله‌كی په‌نجاوپێنجیشدا، یاریزان ویل بروین گۆڵی دووه‌می تیپی میوانی به‌ده‌ستهێنا.
له‌و لاشه‌وه هێرشبه‌ری سكۆتله‌ندی، جۆنی ڕوسێل تاكه گۆڵی سپۆرتینگ كانساس سیتی له خوله‌كی شه‌ست تۆماركرد.
به‌م بردنه‌وه‌ش كۆی خاڵه‌كانی سیاتل ساوندێرز له پێشه‌نگی ڕیزبه‌ندی گڕوپی ڕۆژئاوای خولی ئه‌مه‌ریكا بۆ چلوهه‌شت خاڵ به‌رزبووه‌وه‌و سپۆرتینگ كانساس سیتیش به چلوشه‌ش خاڵ له پله‌ی دووه‌می ڕیزبه‌ندی گڕوپه‌كه دێت.
له‌خولی ئه‌مریکادا سیاتل ساوندێرز سه‌رکه‌وتنی به‌سه‌ر سپۆرتینگ کانساس سیتی تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.