پۆلیسی پارێزگای نه‌ینه‌وا ئاشكرای كرد، ئه‌مڕۆ چوارشه‌م تاوانێكی كوشتنی دایك و كچێك له شاره‌كه‌یان ڕوویداوه و دوای تاوانه‌كه‌ش به چه‌ند سه‌عاتێك توانیویانه بكوژه‌كه ده‌ستگیر بكه‌ن.
دایكه كوژراوه‌كه ته‌مه‌نی 37 ساڵ و كچه‌كه‌شی 11 ساڵان و دانیشتووی گه‌ڕه‌كی ئینتیساڕی به‌ری چه‌پی شاری مووسڵ بوونه و هه‌ر له‌نێو ماڵه‌كه‌ی خۆیان تاوانه‌كه ئه‌نجامدراوه.
پۆلیسی نه‌ینه‌وا ڕأشیگه‌یاند: دوای پشكنین و به‌دواداچوون و سه‌یركردنه‌وه‌ی كامێرا چاودێرییه‌كان، دوای 3 سه‌عات له ئه‌نجامدانی تاوانه‌كه توانرا بكوژه‌كه ده‌ستگیر بكرێ.
هه‌روه‌ها ڕایگه‌یاند كه تاوانباره‌كه ته‌مه‌نی 28 ساڵه و به مه‌به‌ستی دزیكردنی زێڕ و پاره چۆته سه‌ر ماڵی دایك و كچه‌كه، دوای ئاشكرابوونیشی دایك و كچه‌كه‌ی به ئامرازی چه‌قۆ كوشتووه.
پۆلیسی نه‌ینه‌وا جه‌ختیشی كرده‌وه كه بكوژه‌كه دانی به تاوانه‌كه‌ی داناوه و به فه‌رمانی دادوه‌ر ده‌ستگیركراوه.
کۆمێنت (0)
تا ئێستا هیچ کۆمێنتێک نەکراوە.