ده‌زگای هه‌واڵگری عێراق ئاشكرای كرد، توانیویانه ئه‌مڕۆ چوارشه‌م هه‌وڵێكی هاتنه‌ژووره‌وه‌ی 100 كیلۆ گرام مادده‌ی هۆشبه‌ر له‌سنووری سووریا له پارێزگای نه‌ینه‌وا بۆ ناو خاكی عێراق پووچه‌ڵ بكه‌نه‌وه.
ده‌زگاكه ڕاشیگه‌یاند: دوای چاودێرییه‌كی چڕی ده‌زگای هه‌واڵگری و ده‌زگا ئه‌منییه‌كان توانرا 2 تۆمه‌تبار ده‌ستگیر بكه‌ن كه هه‌وڵیاندابوو ڕێژه‌یه‌كی زۆری مادده‌ی هۆشبه‌ر له شارۆچكه‌ی ڕه‌بیعه‌ی سه‌ر به پارێزگای نه‌ینه‌وا له‌سه‌ر سنووری نێوان عێراق و سووریا بێننه نێو خاكی عێراقه‌وه.
هه‌روه‌ها ڕایگه‌یاند: كاتێك هه‌ردوو تۆمه‌تباره‌كه ده‌ستگیركران 300 كیسه‌ی حه‌بی هۆشبه‌رییان پێ بووه كه كێشه‌كه‌ی خۆی له 100 كیلۆ گرام ده‌دا.
کۆمێنت (0)
تا ئێستا هیچ کۆمێنتێک نەکراوە.