وه‌زیری پلاندانانی حكوومه‌تی هه‌رێم له‌میانی كۆبوونه‌وه‌ی له‌گه‌ڵ شاندێكی بازرگانی به‌ریتانیا و جێگری كونسوڵی ئه‌و وڵاته رایگه‌یاند: هانی بازرگانان و کۆمپانیاکانیانی جیهان ده‌ده‌ین تا لەهەرێم وەبەرهێنان بکەن .
د. دارا ره‌شید وه‌زیری پلاندانانی حكوومه‌تی هه‌رێمی كوردستان له‌هه‌ژماری تایبه‌ت به‌خۆی له تۆڕی كۆمه‌ڵایه‌تی فه‌یس بووك بڵاویكرده‌وه: ئه‌مڕۆ پێنجشه‌ممه 16 ى 9 ى 2021 ، له دیوانی وه‌زاره‌ت پێشوازیم کرد لە بەرێوەبەری بازرگانی بەریتانیا لەعێراق و جێگری کونسوڵی بەریتانیا لەهەرێم.
د.دارا ره‌شید رایده‌گه‌ێنێت: لە کۆبونەوەیەک باسی هەماهەنگیەکانی نێوان هەردوولاکرا بەتایبەت ڕۆڵی گرنگ و بەردەوامی بەریتانیا لە بوارە جیاجیان و هەوڵدان بۆ پتەوکردنی ئەو پەیوەندیانە .
وه‌زیری پلاندانان راشیده‌گه‌ێنێت: لەبەشێکی تری کۆبونەوەکە گفتوگۆمان کرد لەبارەی کارکردنی کەرتی تایبەت و کۆمپانیاکان لە جێبەجێکردنی پرۆژەکان بۆ ئەمەش داوام لێکردن هانی بازرگانان و کۆمپانیاکانیان بدەن تا لەهەرێم وەبەرهێنان بکەن و لەوپێناوەش کارئاسانی و پاڵپشتی تەواوی خۆمان دووپاتکردەوە بەشێوەیەک کارەکانیان ببێتە هۆکاری رەخساندنی هەلی کار بۆ لاوانمان و بوژاندنەوەی ژێرخانی ئابوری هەرێم لەچواچێوەی پرۆژەی ستراتیژی هاوبەشی کردنی کەرتی گشتی و تایبەت کە بەریتانیا یەکێکە لەووڵاتە پێشکەوتوەکانی جیهان لەبواری ئابوری و بازرگانی و وەبەرهێنان.
دارشتنه‌وه‌ی هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.