قایمقامیه‌تی هه‌ولێر له هه‌ڵمه‌تێكی پشكنین و به‌دواداچووندا 14 چێشتخانه و خواردنگه‌ی ماسی له شاری هه‌ولێر به‌سه‌ركرده‌وه و به‌شێكیانی به‌هۆی پابه‌ندنه‌بوونه‌وه سزا دا.
قایمقامیه‌تی هه‌ولێر بڵاوی كرده‌وه: لێژنەی پشکنين و چاودێری بازاڕ بە سەرپەرشتی نەبەز عبدالحمید قایمقامی هەولێر و سەرۆکی لێژنەی پشكنین و به‌دواداچوون، پشکنین و بەدواداچوونیان بۆ 14 چێشتخانە و خواردنگەی ماسی ئەنجام دا.
هه‌روه‌ها بڵاوی كرده‌وه: بەھۆی پابەندنەبوون بە مەرج و ڕێنماییەکانی تەندروستی و گەشتیاری و مەرج و ڕێنماییەکانی بەرگرییی شارستانی و چاودێری بازرگانی چەندین سەرپێچی تۆمار کران.
قایمقامیه‌تی هه‌ولێر ئاماژه‌ی به‌وه‌شدا كه ئامانج لە پشکنین و بەدواداچوونی ئەم لێژنه‌یه لە پێناو پاراستنی تەندروستی و سەلامەتیی ھاووڵاتییان و دڵنیابوونە لە جێبەجێکردنی مەرج و ڕێنماییەکان.
ئەو شوێنانەش كه سەرپێچیان هەبوو تۆمارکران و ھۆشدارییان پێدرا و بە پێی یاسا کاردانەوە بەرامبەر خاوەنەکانیان دەکرێ.
کۆمێنت (0)
تا ئێستا هیچ کۆمێنتێک نەکراوە.