ده‌زگای ئه‌منیی نیشتمانی له شاری مووسڵ ئاشكرای كرد، ئه‌مڕۆ هه‌ینی توانیویانه پێنج تیرۆریست ده‌ستگیر بكه‌ن كه یه‌كێكیان به‌رپرسێكی باڵای داعش بووه.
له به‌یاننامه‌كه‌دا ده‌زگای ئه‌منی نیشتمانی ڕایگه‌یاند: دوای وه‌رگرتنی فه‌رمانی ڕێگه‌پێدانی دادگا، ئه‌مڕۆ هه‌ینی 5 تیرۆریستی داعشیان ده‌ستگیر كرد.
ده‌زگاكه پله و كاره تیرۆرییه‌كانی ده‌ستگیركراوه‌كانی ئاشكرا كرد: یه‌كێكیان پله‌ی به‌رپرسی باڵای داعشی هه‌بووه و یه‌كێكی تریش به‌رپرسی داهاتی نه‌وت بووه له شاری مووسڵ، سێیه‌میان كاری دروستكردنی بۆمب و بۆمبڕێژكردنی ئۆتۆمبێل كردووه، دووه‌كه‌ی تریش چه‌كداری داعش بوونه.
ده‌زگای ئه‌منیی نیشتمانی ڕاشیگه‌یاند: هه‌ر پێنج تیرۆریسته‌كه دانیان به سه‌رجه‌م ئه‌و تاوانانه داناوه كه ده‌رهه‌ق به هاووڵاتییانی سڤیل و هێزه ئه‌منییه‌كان ئه‌نجامیانداوه، هه‌روه‌ها ڕایانگه‌یاندوو كه به‌شداریی ڕاسته‌وخۆ شه‌ڕه‌كانی دژ به هێزه ئه‌منییه‌كانی عێراقیان كردووه.
کۆمێنت (0)
تا ئێستا هیچ کۆمێنتێک نەکراوە.