ب ئاماده‌بوونا پارێزگارێ دهۆکێ به‌رێ بنیاتى بۆ ژماره‌کا پرۆژێن گرنگ ل سنورێ ده‌ڤه‌رداریا به‌رده‌ره‌ش هاته‌ دانان

 بو دووڤ چون ودانانا  به‌رێ بنیاتى بو چه‌ند پرۆژان ل سنورێ ده‌ڤه‌رداریا به‌رده‌ره‌ش رۆژا 5/9/ 2021 به‌رێز د.على ته‌ته‌ر  پارێزگارێ دهوكێ  ب یاوه‌ریا  چه‌ند رێڤه‌به‌رێن فه‌رمانگه‌هێن په‌یوه‌ندیدار سه‌را ده‌ڤه‌رداریا به‌رده‌ره‌ش دا ژلایێ اسماعیل مسته‌فا ده‌ڤه‌ردارێ نوو یێ به‌رده‌ره‌ش وچه‌ند به‌رپرسێن حزبى وئیدارى پێشوازێ لێ هاته‌ كرن.
پاش پارێزگارێ دهۆكێ ب ئاماده‌بوونا یێن دگه‌لدا به‌رێ بنیاتى بو ڤان پرۆژان دانا:-
1- دانانابه‌رێ بنیاتى بو چێكرنا رێكێن نافخویى ل سنورێ ناوچه‌داریا روڤیا بكوژمێ (394) ملیون دینارا.
2- سه‌ره‌دانا سایلویا ستیلى ل ناوچه‌داریا روڤیا كو لسه‌ر بودجا  حكومه‌تا هه‌رێما كوردستانێ بكوژمێ نێزیكى (18) ملیار دینارا هاتیه‌ بجهئینان وپرۆژه‌ پێك دهێت ژسایلوكێ  شیان هه‌نه‌ (40) هزار ته‌نێن گه‌نمێ جوتیارا عومباركه‌ت هه‌روه‌سا گوره‌پانێن وێ ژى شیان هه‌نه‌ پتر ژ(60) هزار ته‌نێن گه‌نمێ جوتیارێن ده‌ڤه‌رێن ئاكرێ وبه‌رده‌ره‌ش عومباركه‌ت پرۆژه‌ 100% ب دوماهى هاتیه‌.
3- دانانا به‌رێ بنیاتى بو ئاڤاكرنا نه‌خوشخانا ته‌نگاڤیا ل سه‌نته‌رێ ده‌ڤه‌رداریا به‌رده‌ره‌ش بكوژمێ (960) هزار دولارا .
4- دانانا به‌رێ بنیاتى بو چێكرنا رێكێن نافخویى وچێكرنا سولینا ل ناڤ سه‌نته‌رێ به‌رده‌ره‌ش وتاخێ په‌ككه‌وتویان بكوژمێ (963) ملیون دینارا.
5- دانانا به‌رێ بنیاتى بو چێكرنا رێكا گوندێن (به‌هره‌وان گه‌وره‌ وبه‌هره‌وانا نووى وبه‌رده‌سور) ل ناوچه‌داریا داره‌تو درێژیا رێكێ (4,6)كم بكوژمێ پتر ژ(500) ملیون دینارا.
6- ل دوماهیێ ودرێ ورسمه‌كێ تایبه‌ت دا ب ئاماده‌بونا پارێزگارێ دهۆكێ نونه‌رێ سه‌روكێ حكومه‌تا هه‌رێما كوردستانێ وصباح بیت الله به‌رپرسێ لقێ 9 یێ پارتى وچه‌ند ئه‌ندامێن په‌رله‌مانێ عیراقێ وكوردستانێ ورى سپى وماقولێن ده‌ڤه‌رێ به‌رێ بنیاتى بو پرۆژێ رێكا گرنگ یا چه‌ند گوند وگومه‌لگه‌هێن (قه‌ره‌ناز - به‌نێنان – داره‌تو- كه‌وره‌ سور) هاته‌ دانان.
دڤان رێ ورسمان دا ده‌ڤه‌ردارێ به‌رده‌ره‌ش سوپاسیا سه‌روكێ حكومه‌تا هه‌رێما كوردستانێ وپارێزگارێ دهۆكێ كر كو رازیبونا خو دیاركریه‌ بو ئه‌نجامدانا چه‌ندین پرۆژێن خزمه‌تگوزارى ل ده‌ڤه‌رداریا به‌رده‌ره‌ش .
 پاش ب نونه‌راتیا به‌رێز مسرور بارزانى سه‌روكێ حكومه‌تا هه‌رێما كوردستانێ پارێزگارێ دهۆكێ په‌یڤه‌ك پێشكێشكر وگوت: ئه‌ڤرو ئه‌م ئاماده‌بوینه‌ بو دانانا به‌رێ بنیاتى بو ژماره‌كا پرۆژێن گرنگ ل ده‌ڤه‌را به‌رده‌ره‌ش نه‌خاسمه‌ پرۆژێ رێكا  (قه‌ره‌ناز - به‌نێنان – داره‌تو- كه‌وره‌ سور) ب درێژیا (46) كم ب كوژمێ (14) ملیار دینارا ، هه‌روه‌سا بكوژمێ پتر ژ(400) ملیار دینارا پرۆژه‌ ل سه‌رانسه‌رى پارێزگه‌هێ دهێنه‌ ئه‌نجامدان هنده‌ك ب دوماهى هاتینه‌ وهنده‌ك ل ژێر قوناغێن بجهئینانێ نه‌ وهنده‌ك ژى لڤان نێزیكا دێ كه‌ڤنه‌ دوارێ بجهئینانێ  دا وبه‌رنامێ ئاڤه‌دانكرنێ یێ به‌رده‌وامه‌.
پارێزگارێ دهۆكێ سوپاسیا سه‌روكێ حكومه‌تا هه‌رێمێ كر كو رازیبونا خو ل سه‌ر پرۆژێن پارێزگه‌ها دهۆكێ دیاركریه‌ وگوت: هه‌ر كاره‌كێ ئه‌م  ئه‌نجامده‌ین ئه‌م ب ئه‌ركێ خو دزانین ومافێ ملله‌تێ مه‌یه‌ ونوكه‌ بكوژمێ (48)ملیار دینارا پرۆژه‌ ل سنورێ ده‌ڤه‌رداریا به‌رده‌ره‌ش دهێنه‌ ئه‌نجامدان وب هزاران ده‌لیڤێن كارى دێ هێنه‌ دابینكرن و هاولاتى  دێ مفاى ژێ وه‌رگرن.
پاش ئه‌ندازیار كانیوار جبرائیل سه‌رپه‌رشتێ پرۆژێن كومپانیا كاڤین گروپ رونكرن دانه‌ سه‌ر پرۆژه‌ى وسوزدا كو پرۆژه‌ دماوێ ده‌ست نیشانكرى دا وبكوالیتیه‌كا باش ب دوماهى بهێت وبكه‌ڤیته‌ دخزمه‌تا خه‌لكێ ده‌ڤه‌رێ دا.