له راگه‌یاندراوێكدا، وه‌زاره‌تی شاره‌وانی و گه‌شت و گوزاری حكوومه‌تی هه‌رێمی كوردستان بڵاویكرده‌وه: بە مەبەستی پەرەپێدانی سێكتەری ئاو و نۆژەنكردنەوەی پرۆژەكانی ئاوی خواردنەوە لە شاری هەولێر، وەزارەتی شارەوانی و گەشتوگوزار بڕیاری خەرجكردنی زیاتر لە 380 ملیۆن دیناری دا بۆ جێبەجێكردنی 14 پرۆژەی تایبەت بە ئاو لە شاری هەولێر.
وه‌زاره‌ت راشیده‌گه‌ێنێت: كۆی گوژمەكە بریتییە لە (380,477,050) تەنیا سێسەد و هەشتا ملیۆن و چوار سەد و حەفتا و حەوت هەزار و پەنجا دینار و لەسەر ڕێژەی %17ی داهاتی بەڕێوەبەرایەتیی ئاو و ئاوەڕۆی هەولێر بە مەبەستی جێبەجێكردنی 14 پرۆژەی ئاو لە شاری هەولێر خەرج دەكرێت.
وه‌زاره‌تی شاره‌وانی و گه‌شت و گوزاری حكوومه‌تی هه‌رێمی كوردستان ئاماژه بۆ ئه‌وه‌شده‌كات: ئەو بڕە پارەیە بۆ درێژكردنەوەی تۆڕەكانی ئاو و دانانی بۆری و كڕینی مەوادی پاككەرەوە و كڕین و گۆڕینی كەلوپەلی پێویست و نۆژەنكردنەوە و پەرەپێدانی پرۆژەكانی ئاوی خواردنەوە لە شاری هەولێر خەرج دەكرێت، كە ئەمەش كاریگەری لەسەر بەرزكردنەوەی خزمەتگوزاری ئاو لەو شارە دەبێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.