كۆمه‌ڵه سه‌ركرده‌یه‌كى سه‌ربازى له وڵاتی غینیا رایانگه‌یاند، كوده‌تایان به‌سه‌ر سه‌رۆكی وڵاته‌كه‌یان ئه‌لفا كۆندى كردووه و ده‌ستگیریانكردووه، حكوومه‌تیش هه‌واڵه‌كه ڕه‌ت ده‌كاته‌وه.
لای خۆیه‌وه وه‌زاره‌تى به‌رگریى غینیا هه‌واڵه‌كه‌ی ڕه‌تكرده‌وه و رایگه‌یاند كه به‌رپه‌چى هه‌موو ئه‌و هێرشانه‌یان داوه‌ته‌وه، جه‌ختیشی كرده‌وه كه تا ئێستا شه‌ر له‌نێوان كوده‌تاچییه‌كان و سه‌ربازانی حكوومه‌ت له شه‌قامه‌كان به‌رده‌وامه.
لای خۆشییه‌وه ئاژانسى (فرانس پرێس) جه‌ختى له‌وه‌كرده‌وه كه كوده‌تاچییه‌كان سه‌ركه‌وتووبوونه و هێزێكی تایبه‌تى غینیا سه‌رۆك ئه‌لفا كۆندییان ده‌ستگیركردووه، هه‌ر ئه‌و هێزه‌ش ئێستا كارى ده‌زگاكانى هه‌موو وڵاتیان راگرتووه.
كوده‌تاچییه‌كان به جلوبه‌رگى سه‌ربازى له چه‌ندین ڤیدیۆدا ده‌رده‌كه‌ون و ده‌ڵێن "بڕیارمانداوه سه‌رۆك ده‌ستگیر بكه‌ین، له‌ته‌ك وه‌ستاندنى ده‌ستوور و ده‌زگاكان، هه‌روا بڕیارماندا حكوومه‌ت بوه‌ستێنێن و هه‌موو سنووره‌كانى وشكانى و ئاسمانى رابگرین.
کۆمێنت (0)
تا ئێستا هیچ کۆمێنتێک نەکراوە.