پارێزگارێ دهۆکێ پێشوازی ل رێڤەبەرا گشتی یا رێکخراوا خوارنا جیهانی یا رۆژهەلاتا ناڤەراست و باکورێ ئەفریقیا کر

ئەڤرۆ رۆژا پێنچشەمبی رێکەفتی 2021/9/2  "د.عەلی تەتەر" پارێزگارێ دهۆکێ پێشوازی ل "کورین فلیشەر" رێڤەبەرا گشتی یا رێکخراوا خوارنا جیهانی یا رۆژهەلاتا ناڤەراست و باکورێ ئەفریقیا دگەل دا رێڤەبەرێ گشتی یێ ئوفیسا عیراقێ و هەرێما کوردستانێ کر.
دهەڤدیتنێدا پارێزگارێ دهۆکێ سۆپاسیا رۆلێ گرنگێ رێکخراوا خارنا جیهانی ژسالا 1991ێ هەتا نوکە ل پارێزگەها دهۆکێ و هەرێما کوردستانێ بلندسەنگاند پیرۆزباهی گەهاندنە رێکخراوا ناڤبری کو دسالا بوری هەلگرێن خەلاتێ نوبلا یٔاشتیێ بووینە، و پاشان پارێزگارێ دهۆکێ بەحسێ رەوشا هشکەسالیێ و کێمیا بەرهەمێ چاندنێ و گەنمی و کارڤەدانێن هشکەسالیێ و بەرنامێ حکومەتا هەرێما کوردستانێ بو چارەکرنا ئاریشێن هشکەسالیێ و رەوشا ئاوارەوپەنابەران کر. 
رێڤەبەرا گشتی یا رێکخراوا خارنا جیهانی سۆپاسیا پێشوازیا پارێزگارێ دهۆکێ کر و بەرهەڤیا رێکخراوێ بو هەر هاریکاریی و هەماهەنگیەکێ دیارکر و سۆپاسیا پشتەڤانیا حکومەتێ بو جێبەجێکرنا بەرنامە و پلانێن رێکخراوێ ل پارێزگەها دهۆکێ و هەرێما کوردستانێ کر،
 لدوماهیا هەڤدیتنێ پارێزگارێ دهۆکێ لوگویێ رێزلێنانێ پێشکێشی رێکخراوا خارنا جیهانی کر و هیڤیا سەرکەفتنێ بو بوکارو بەرنامێن رێکخراوێ خاست.