کاروانێکی گواستنەوەی کەلوپەلی لۆجستی سەربە ھاوپەیمانیی نێودەوڵەتی دژبە داعش لە پارێزگای دیوانییە باشووری عێراق، کرایە ئامانج.
لەمبارەیەوە سەرچاوەیەکی ئەمنی بە میدیا عێراقییەکانی راگەیاندووە کە ئەمڕۆ سێشەممە، لەسەر رێگای خێرای نێودەوڵەتیی دیوانییە، بۆمبێکی چێنراو بە کاروانێکی گواستنەوەی کەلوپەلی لۆجستی سەربە ھێزەکانی ھاوپەیمانیی نێودەوڵەتی دژبە داعش تەقیوەتەوە.
باسی لەوەشکرد کە بەھۆی تەقینەوەکەوە، زیان بەر یەکێک لە بارھەڵگرەکانی کاروانەکە کەوتووە، بەڵام زیانی گیانی نەبوو.
تا ئێستا ھیچ لایەنێک، بەرپرسیارییەتی خۆی لە ئەنجامدانی تەقینەوەکە، رانەگەیاندووە.
کۆمێنت (0)
تا ئێستا هیچ کۆمێنتێک نەکراوە.