کەمال محمدساڵح وەزیری کارەبای حكومه‌تی هه‌رێمی كوردستان له ڕاگه‌ێندراوێكدا سوودەکانی پێدانی کارەبا بە کەرتی تایبەت ڕاگه‌یاند.
له ڕاگه‌ێندراوه‌كه‌دا هاتووه:
-کارەبایەی ون دەبێت دەگەڕێتەوە و بۆ ھاووڵاتییان دەبێت و کاتژمێرەکانی پێدانی کارەبا زیاد دەبێت.
-لە %70 ی کارمەندانی کەرتی تایبەتی کارەبا لە کارمەندانی کەرتی گشتی کارەبا دەبن و مووچەکەشیان کەرتی تایبەت دەیدات.
- سەرکەوتنی پێدانی کارەبا بە کەرتی تایبەت لە پێوەری زیرەک دایە. پێشتر لە بۆردی ماڵان سەرپێچی دەکرا و ئێستا زەحمەتە سەرپێچی لە پێوەری زیرەک بکرێت.
-تا ئێستا زیاتر لە ٨٢٧ ھەزار پێوەری زیرەک بەستراون.
- لە رۆژی 15 ی حوزەیران، پێنج یەکەی بەرهەمهێنانی کارەبا بە هۆی پرۆسەی چاککردنەوە (صیانه) لە کار کەوتن و بڕی پێدانی کارەبا کەمتر بووە.
سەرۆکی حکومەت 40 ملیۆن دۆلاری بۆ خەرج کرد و دوو یەکە گەڕانەوە و ئەم رۆژانەش سێیەم یەکە دەگەڕێتەوە و دۆخی کارەبا باشتر دەبێت.
- ئێستا ڕۆژانە 16 کاتژمێر کارەبا دەدرێتە هاووڵاتیان و پلان ھەیە زیاتر بکرێت و ھەر ئەم هەفتەیە کاتژمێرێک زیاد کراوە.
کۆمێنت (0)
تا ئێستا هیچ کۆمێنتێک نەکراوە.