Erbil 15°C سێشەممە 18 حوزەیران 04:47

کۆمپانیای بایۆنتێک لە چارەگی دووەمی ئەمساڵدا زیاتر لە دوو ملیار یۆرۆى قازانجی کردووە

تاکو ئێستا زیاتر لە یەک ملیار ژەم ڤاکسینی کۆرۆنایان بۆ زیاتر لە 100 وڵات دابین کردووە
کوردستان TV
100%

قازانجی پاراوی کۆمپانیای بایۆتەکنەلۆجیی ئەڵمانی بایۆنتێک کە ڤاکسینی کۆرۆنای بەرھەمھێناوە، لە چارەگی دووەمی ئەمساڵدا و لەگەڵ زیادبوونی فرۆشتنی ڤاکسینەکە گەیشتووەتە دوو ملیار و 787 ملیۆن و 200 ھەزار یۆرۆ.

بایۆنتێک، ئەنجامی راپۆرتی دارایی چارەگی دووەمی ساڵی 2021ی بڵاوکردەوە.

بەپێی راپۆرتەکە، قازانجی پاراوی کۆمپانیاکە لە مانگی نیسانەوە بۆ مانگی حوزەیران، لەگەڵ بەرزبوونەوەی داھاتی پاراو گەیشتووەتە دوو ملیار و 787 ملیۆن و 200 ھەزار یۆرۆ.

بایۆنتێک، لە ھەمان قۆناغی ساڵی رابردوودا رایگەیاندبوو کە 88 ملیۆن و 300 ھەزار یۆرۆی زیان پێگەیشتووە.

ھاوکات، قازانجی کۆمپانیاکە لە نیوەی یەکەمی ئەمساڵدا گەیشتبوویە سێ ملیار و 915 ملیۆن و 300 ھەزار یۆرۆ کە لە نیوەی یەکەمی ساڵی 2020 زیانی 141 ملیۆن و 700 ھەزار یۆرۆی راگەیاندبوو.

کۆمپانیای بایۆنتێک، لەماوەی ئەمساڵدا، لە گرێبەستی دابینکردنی کۆی گشتی دوو ملیار و 200 ملیۆن ژەمە ڤاکسین، پێشبینی 15 ملیار و 900 ملیۆن یۆرۆ داھاتی دەکرد.

بایۆنتێک و فایزەری ھاوبەشی، تاکو ئێستا زیاتر لە یەک ملیار ژەم ڤاکسینی کۆرۆنایان بۆ زیاتر لە 100 وڵات دابین کردووە.

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.