ب هه‌لكه‌فتا ده‌ربازبوونا (7) ساڵا ل سه‌ر كاره‌ساتا جه‌رگبرا شنگالێ ئه‌ڤرو سپێدێ 3/8/2021 شانده‌كێ لیژنا بلند بوو ناساندناجیونوسایدا جینۆسایدا تاوانێن شنگالێ ل سه‌ر ئاستێ حكومه‌تا هه‌رێمێ ب سه‌روكاتیا به‌رێز (رێبه‌ر احمد) وه‌زیرێ نافخوو وب ئاماده‌بونا به‌رێز د.على ته‌ته‌ر پارێزگارێ دهۆكێ سه‌را نڤێسینگه‌ها ده‌سته‌یا ڤه‌كولین وكومكرنا گروڤان وچاره‌سه‌ریێ ل دهۆكێ دا ژلایێ به‌رێز (حاكم ئه‌یمه‌ن) سه‌روكێ ده‌سته‌یێ وكارمه‌ند وفه‌رمانبه‌رێن ده‌سته‌یى پێشوازى لێ هاته كرن .
پاش هه‌موو ب هه‌ڤرا بو ماوێ خوله‌كه‌كێ بێده‌نگ راوستیان وه‌كو رێزگرتن بو گیانێ قوربانیێن كاره‌ساتا شنگالێ .
پاش شاندێ حكومه‌تێ كومبونه‌ك دگه‌ل سه‌روك وكارمه‌ندێن ده‌سته‌یێ سازكر ولدووڤدا گه‌ریانه‌ك لناڤ ژور وهوڵێن نڤێسینگه‌ها ده‌سته‌یێ كر وژنێزیك هایداربوون ل سه‌ر كارێ نڤێسینگه‌هێ وئه‌و خزمه‌تا پێشكێش دكه‌ن نه‌خاسمه دیكیومه‌نتكرنا تاوانێن داعش ل دژى سڤیلێن شنگالێ .
وه‌زیرێ نافخوو یێ حكومه‌تا هه‌رێما كوردستانێ دكونگره‌كێ رۆژنامه‌ڤانیدا ده‌ست خوشى ل كار وچالاكیێن نڤێسینگه‌هێ كر هه‌مبه‌ر كومكرنا به‌لگه‌نامه‌یێن جینوسایدا شنگالێ وسه‌ره‌خوشى ل كه‌س وكار وقوربانیێن كاره‌ساتێ كرن وگوت: دوژمنێن گه‌لێ كورد نه‌بتنێ جینوسایدا شنگال ئه‌نجامدایه به‌لكو ب درێژیا دیروكى گه‌له‌ك تاوانێن بڤى ره‌نگى ل دژى ملله‌تێ كورد ئه‌نجامداینه.
هه‌روه‌سا گوت: حكومه‌تا هه‌رێمێ هه‌موو هه‌وڵا دده‌ت كوئێدى ئه‌ڤ تاوانێن دژى مروڤایه‌تیێ نه‌هێنه ئه‌نجامدان ولسه‌ر ئاستێ ده‌وله‌تى ژى ب جینوساید بهێنه ناساندن وتاوانبار ژى بهێنه سزادان وقوربانیێن كاره‌ساتێ بهێنه قه‌ره‌بوكرن.
رێبه‌ر احمد وه‌زیرێ نافخوو دیاركر كو هه‌موو كێم وكاسیێن ده‌سته‌یێ دێ بو سه‌روكێ حكومه‌تا هه‌رێمێ بلندكه‌ین ویا پێدڤى دێ هێته كرن .
سه‌باره‌ت ئاوارێن شنگالێ گوت: مه پێ باشه رێكه‌فتنا ئه‌منى یا شنگالێ وه‌كو خو بهێته بجهئینان وهه‌موو هێزێن چه‌كدار یێن نه یاسایى ژ شنگال بهێنه ڤه‌كێشان وته‌ناهیا ده‌ڤه‌رێ بهێته به‌رقراكرن وئاڤه‌دانیا ده‌ڤه‌رێ بهێته كرن وخزمه‌تگوزارى بهێنه دابینكرن دا ببیته هانده‌ره‌ك ئاواره ڤه‌گه‌رنه سه‌ر جه وارێن خو.
لیژنا بلند بۆ ناساندنا جینۆسایدا تاوانێن شنگالێ یێ حکومه‌تا هه‌رێمێ سه‌را نڤێسینگه‌ها ده‌سته‌یا ڤه‌کۆلین و کۆمکرنا دا
100%
کۆمێنت (0)
تا ئێستا هیچ کۆمێنتێک نەکراوە.