لە یادی حەوت ساڵەی جینۆسایدکردنی ئێزدییەکاندا، کۆنسولی گشتیی ئەمریکا لە هەولێر، رۆبەرت پالەدینۆ سەردانی پەرستگای لالشی کرد و چاویکەوت بە میری ئێزدییان میر حازم و رابەرانی ئێزدی لە عێراق و کوردستان، بۆ دەربڕینی پرسە و سەرەخۆشی خۆی لە ساڵیادی کۆمەڵکوژیی ئێزدییان کە لەلایەن رێکخراوی داعشەوە ئەنجامدرا.
رۆبەرت پالەدینۆ لە وتەیەکدا لە سەردانەکەیدا رایگەیاند ئەمڕۆ ئێمە رێز لە یادی ئەوانە دەگرین کە کوژراون و دووبارە جەخت لە پابەندبوونی خۆمان دەکەینەوە بۆ ھاوکاریکردنی ئەوانەی کە بەر کاریگەری ئەو کۆمەڵکوژییە کەوتوون.
گوتیشی: شانبەشانی یەکتر دەوەستین وەکو نموونەییەکی خۆڕاگر و ھاوکار بۆ دڵنییادان کە کاری دڕندانەی لەم جۆرە ھەرگیز دووبارەنەبێتەوە.
کۆنسولی گشتیی ئەمریکا لە هەولێر لە سەردانەکەیدا بۆ لالش کاری نۆژەنکردنەوەی پەرستگاکەی بەسەرکردەوە و رایگەیاند: ویلایەتە یەکگرتووەکانی ئەمەریکا شانازی دەکات بە دابینکردنی پاڵپشتی دارایی بۆ نۆژەنکردنەوەی پەرستگای پیرۆزی ئێزدییان.
کۆمێنت (0)
تا ئێستا هیچ کۆمێنتێک نەکراوە.