سبه‌ی لیژنه‌ی باڵای به‌ره‌نگاربوونه‌وه‌ی کۆرۆنا کۆده‌بێته‌وه‌

رێژه‌ی تووشبوون به‌ كۆرۆنا له‌ هه‌رێمی كوردستان رۆژ به‌ رۆژ به‌ره‌و هه‌ڵكشان ده‌چێت و به‌ مه‌به‌ستی تاوتوێ كردنی دۆخه‌كه‌ش سبه‌ی لیژنه‌ی باڵای به‌ره‌نگاربوونه‌وه‌ی كۆرۆنا كۆده‌بێته‌وه‌.

هه‌ر له‌و باره‌وه‌ جوتیار عادل وته‌بێژی حكومه‌تی هه‌رێمی كوردستان لە كۆنگرەیەكی رۆژنامەوانیدا رایگەیاند: سبه‌ی لیژنه‌ی باڵای به‌ره‌نگاربوونه‌وه‌ی كۆرۆنا له‌ هه‌رێمی كوردستان كۆده‌بێته‌وه‌ و دوای خوێندنه‌وه‌ی راپۆرتی وه‌زیری ته‌ندروستی، گفتوگۆ له‌باره‌ی دۆخه‌كه‌ ده‌كرێت و بڕیاری پێویست ده‌درێت.

له‌و چوارچێوه‌یه‌دا، بەڕێوەبەرایەتیی تەندروستیی گەرمیان ئەمڕۆ دووشەممە 26-07-2021 بە نووسراوێك كە واژۆی د. سیروان محەممەد، بەڕێوەبەری گشتیی تەندروستیی گەرمیانی لەسەرە، داوای لە ژووری ئۆپەراسیۆنی ئیدارەكەی كردووە، قەدەقەی هاتووچۆ لە كاتژمێر 8:00ی شەو بۆ 6:00ی بەیانی ڕابگەیێندرێت بۆ ماوەی 10 ڕۆژ، هۆكاریی ئەمەش بۆ زۆربوونی بەرچاوی ژمارەی تووشبوون بە ڤایرۆسی كۆرۆنا دەگەڕێتەوە.