له‌ رۆژئاوای که‌رکوک داعش هێرشی کرده‌ سه‌ر پۆلیسی فیدڕاڵی و کوژراوی لێکه‌وته‌وه‌

به‌ره‌به‌یانی ئه‌مڕۆ شه‌مه‌ 24 ى 7 ى 2021 ، تیرۆرستانی داعش له‌ سنوری شاره‌ده‌ێی ره‌شاد له‌ رۆژئاوای كه‌ركوك هێرشیان كرده‌ سه‌ر پۆلیسی فیدڕاڵی عێراق و كوژراوی لێكه‌وته‌وه‌.
به‌پێی زانیارییه‌كان، كه‌ ده‌ست ماڵپه‌ری كوردستان تیڤی كه‌وتووه‌: هێرشه‌كه‌ی داعش بۆ سه‌ر گوندی كه‌ره‌ج قازان بووه‌ له‌ شارده‌ێی ره‌شاد له‌ رۆژئاوای كه‌ركوك ، به‌هۆیه‌وه‌ سێ پۆلیس كوژراون و پۆلیسێكیش برینداره‌ . 
له‌ راگه‌یاندراوێكیشدا پۆلیسی فیدڕاڵی عێراق له‌ پارێزگای كه‌ركوك رایده‌گه‌ێنێت: دوای هێرشه‌كه‌ی داعش هێزه‌كانمان له‌ناوچه‌كه‌دا بڵاوبوونه‌ته‌وه‌ به‌مه‌به‌ستی ده‌ستگیر كردنی چه‌كدارانی داعش .