ئۆلیڤێ جیرۆدی فه‌ڕه‌نسی و هێرشبه‌ری یانه‌ی چێڵسی ڕیزی تیپه‌كه‌ی جێهێشت و به‌فه‌رمی په‌یوه‌ندی به یانه‌ی ئه‌ی سیی میلان كرد.
جیرۆد پشكنینی پزیشكی و ته‌واوی ڕێوشوێنه‌كانی واژووكردنی گرێبه‌ستی له‌گه‌ڵ میلان ته‌واوكردو به گرێبه‌ستێك بۆ ماوه‌ی دوو ساڵ چووه ڕیزی ڕۆسۆنێری.
به‌پێی سه‌رچاوه‌كانی ده‌نگوباسی ئیتاڵیا، بڕی گرێبه‌ستی جیرۆد له‌گه‌ڵ میلان یه‌ك ملیۆن پاوه‌ندی ئیسته‌رلینیه، ئه‌مه‌ش یه‌كێكه له گرێبه‌سته‌كانی مێركاتۆی هاوینه‌ی میلان كه یانه‌كه به‌سه‌رپه‌رشتی ستێفانۆ پیۆلی ڕاهێنه‌ره‌كه‌ی له ئاماده‌كاریدایه بۆ ڕكابه‌ریه‌كانی وه‌رزی نوێ.
جێگای باسه جیرۆدی ته‌مه‌ن سی و چوار ساڵ له هاوینی ساڵی دووهه‌زاروهه‌ژده له یانه‌ی ئارسناڵه‌وه په‌یوه‌ندی به چێڵسی كردو له ڕیزی یانه‌كه‌دا نازناوی جامی یه‌كێتی ئینگلته‌راو یۆرۆپالیگ و چامپیۆنس لیگی به‌ده‌ستهێنا.
پێشتریش ئه‌م یاریزانه له ڕیزی هه‌ریه‌ك له یانه‌كانی گرینۆبل و تۆرس و مۆنپێلێی فه‌ڕه‌نسی یاری كردووه، له ڕیزی هه‌ڵبژارده‌ی وڵاته‌كه‌شی نازناوی مۆندیالی دووهه‌زاروهه‌ژده‌ی ڕوسیای به‌ده‌ستهێناوه .
ئۆلیڤێ جیرۆدی فه‌ڕه‌نسی و هێرشبه‌ری یانه‌ی چێڵسی ڕیزی تیپه‌که‌ی جێهێشت
به‌فه‌رمی په‌یوه‌ندی به یانه‌ی ئه‌ی سیی میلان كرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.