ئه‌مڕۆ پەرلەمانی بەلجیکا دەنگ لەسەر جینۆسایدی کوردانی ئێزدی دەدات

تا ئێستا زیاتر لە پانزدە وڵات دانی بە جینۆسایدی کوردانی ئێزدیدا ناوە، بڕیارە ئه‌مڕۆ چوارشه‌مه‌ 14-7-2021،  پەرلەمانی بەلجیکاش دەنگ لەسەر جینۆسایدی کوردانی ئێزدی بدات.
دلاوەر ئاژگەیی، نوێنەری حکوومەتی هەرێمی کوردستان لە یەکێتیی ئەوروپا، رایگه‌یاند: دوای ئەوەی لە چەند ڕۆژی ڕابردوودا لیژنەی دەرەوەی پەرلەمانی بەلجیکا جینۆسایدی کوردانی ئێزدیی پەسەند کرد، بڕیارە سبەی پەرلەمانی بەلجیکا کۆ ببێتەوە و دەنگ لەسەر پرسی بەجینۆسایدناساندنی کوردانی ئێزدی بدات.
نوێنەری حکوومەتی هەرێم راشیده‌گه‌ێنێت: حکوومەتی هەرێمی کوردستان بەڵگەی لەبارەی جینۆسایدی کوردانی ئێزدی داوەتە جیهان و بەردەوامیش دەبین.
دلاوەر ئاژگەیی ئاماژه‌ بۆ ئه‌وه‌شده‌كات: بڕیارە ژمارەیەک وڵاتی دیکەش دان بە جینۆسایدناساندنی کوردانی ئێزدیدا بنێن، بەتایبەتی لە کابینەی نۆدا لەسەر ئاستی نێودەوڵەتی کار لەسەر ئەوە دەکەین کە کۆمەڵکوژیی کوردانی ئێزدی بەجینۆساید بناسرێت.