سوپای عێراق پووچەڵکردنەوەی ھەوڵێکی تیرۆریستانی داعشی بۆ تەقاندنەوەی تاوەرەکانی گواستنەوەی وزەی کارەبا لە باکووری رۆژھەڵاتی بەغدا، راگەیاند.
لەمبارەیەوە فەرماندەی ئۆپەراسیۆنەکانی بەغدا، فەریق روکن ئەحمەد سەلیم لە راگەیەنراوێکدا ئاماژەی بەوە داوە، ھەشت بۆمب کە لەلایەن تیرۆریستانی داعشەوە لەژێر ژمارەیەک تاوەرەی گواستنەوەی وزەی کارەبادا لە ناوچەکانی باکووری رۆژهەڵاتی بەغدا چێنرابوون، لەلایەن ھێزە ئەمنییەکانەوە پووچەڵکراونەتەوە.
فەریق روکن ئەحمەد سەلیم لە راگەیەنراوەکەیدا، زانیاری زیاتری لەوبارەیەوە نەخستووەتەڕوو.
ئەمەیش لە کاتێکدا کە لە ماوەکانی رابردوودا، ژمارەیەک تاوەری گواستنەوەی کارەبای نیشتمانیی لە پارێزگاکانی دیالە و کەرکووک، سەڵاحەددین و نەینەوا کرانە ئامانج کە ئەوەیش کاریگەریی لەسەر کەمبوونەوەی کاتژمێرەکانی پێدانی کارەبای نیشتمانیی بە ھاووڵاتییان دروستکردووە.
کۆمێنت (0)
تا ئێستا هیچ کۆمێنتێک نەکراوە.