فازڵ حاجی،گوته‌بێژی پۆلیسی هاتوچۆی هه‌ولێر بڵاویكردۆته‌وه كه كاتژمێر 15و7ی سه‌رله‌به‌یانی ئه‌مڕۆ له‌سه‌رشه‌قامی 120مه‌تری،له‌نزیك گوندی ئیتاڵی 2،كیایه‌كی تایبه‌ت به‌هۆی تیژڕۆیی كۆنتڕۆلی له‌ده‌ستدا و خۆی كێشا به‌گادرێلی سه‌ر دوورگه‌ی ناوه‌نده‌ی شه‌قامه‌كه و به‌درێژایی 40مه‌تر گادرێله‌كه‌ی تێكدا ، ئینجا گه‌ڕایه‌وه لایه‌كه‌ی تری شه‌قام وخۆی كێشایه‌وه به‌شۆسته‌كه و تێكی دا و له‌دوای ده‌رچونی دوو تایه و ته‌قینی دوو تایه‌كه‌ی تری ئینجا وه‌ستا،پارچه شكاوه‌كانی ئوتومبێله‌كه‌ش هه‌ندێكی به‌دووری 100مه‌تر زیاتر كه‌وتبوون ،كه ئه‌مه نیشانه‌ی هێز و خێرایی ئوتومبێله‌كه‌یه به‌ر له‌ڕووداوه‌كه كه‌له‌وانه‌یه سه‌رووی 160كم بووبێت .
گوته‌بێژی پۆلیسی هاتوچۆی هه‌ولێر روونیشیكردۆته‌وه كه له‌ده‌ره‌نجامی ڕووداوه‌كه‌دا شوفێری ئوتومبێله‌كه زامدار بوو و زیانێكی زۆری ماددیش به‌ر ڕێگایه‌كه‌و ئوتومبێله‌كه كه‌وت.
فازڵ حاجی،گوته‌بێژی پۆلیسی هاتوچۆی هه‌ولێرله‌كۆتاییدا ده‌شڵێت: ژیان به‌نرخه تكایه سنورێك بۆحه‌زه‌كانتان دابنێن.
کۆمێنت (0)
تا ئێستا هیچ کۆمێنتێک نەکراوە.