جێگرا سەرۆکا پەرلەمانێ ویلایەتا باکۆرێ ئاڤا راین یا کۆمارا فیدرالی یا ئەلمانیا پێشوازی ل پارێزگارێ دهۆکێ کر

ئەڤرۆ رۆژا دووشەمبی 12-7-2021، دچوارچووڤێ سەرەدانا خۆ یا فەرمیدا بۆ کۆمارا فیدرالی یا ئەلمانیا  “د.عەلی تەتەر” پارێزگارێ دهۆکێ سەرەدانا پەرلەمانێ ویلایەتا باکۆرێ ئاڤا راین کر و ژ لایێ خانم “کارینا گۆدیکا” جێگرا سەرۆکێ پەرلەمانی ڤە هاتە پێشوازیکرن.
دسەرەنێدا جێگرا سەرۆکێ پەرلەمانێ ویلایەتا باکۆرێ ئاڤێ راین ب گەرمی پێشوازیا پارێزگارێ دهۆکێ کر سلاڤورێزێن سەرۆکێ پەرلەمانی گەهاندنە پارێزگارێ دهۆکێ کو یێ بەرهەڤ نەبوو و سۆپاسیا خەلکێ پارێزگەها دهۆکێ کر کو مالێن خۆ کرینە پەناگەهـ بۆ ئاوارەوپەنابەرێن عیراق و سوریا و ب تایبەتی ددەمێ رویبربوونا تیرورستێن داعش دا و راگەهاند پارێزگەها دهۆکێ وەکی قۆتابخانەکێ لێ هاتیە بۆ پێکڤەژیانێ کو مرۆڤ ژێ فێرببیت. 
پارێزگارێ دهۆکێ سۆپاسیا گەل و حکۆمەتا کۆمارا فیدرالی یا ئەلمانیا کر و ب تایبەتی باکۆرێ ویلایەتا ئاڤا راین “دوسلدورف” بۆ وان هاریکاریێن مرۆڤایەتی کو ل دەستپێکا هاتنا تیرورستێن داعش هەڤکارێن هەرێما کوردستانێ و پارێزگەها دهۆکێ بووینە، سۆپاسیا رۆلێ گرنگێ پەرلەمانتارێ ویلایەتا باکۆرێ ئاڤا راین “سەردار یوکسەل” بۆ درۆستکرنا ڤێ هەماهەنگیێ کر و رۆلێ رێکخراوا کاریتاس بلند نرخاند.
هەر درۆنشتنێدا ل دۆر پەیوەندیێن دناڤبەرا هەردوو وەلاتان و پەیوەندیێن هەرێما کوردستانێ و عیراقا فیدرال و چەوانیا پێشڤەچوون و پەرەپێدانا پەیوەندیان دبیاڤێن جودادا دانوستاندن کر و هەردوو لا دۆپاتکر پارێزگەها دهۆکێ و باژێرێ دوسلدورف دێ رێکەفتنەکا نوو وەکو دوو دەستە خۆیشک ئیمزاکەن.