لە ئاکامی وەرگەڕانی مینی پاسێک لە قەزای مورادییە سەربە پارێزگای وان کە کۆچبەرانی هەڵگرتبوو، 12 کۆچبەر گیانیان لەدەست دا و 20ی دیکەیش برینداربوون.
رووداوەکە لە نزیک ناوچەی یوماکلى رووی دا کە تیایدا، مینی پاسێک بە 65 سەرنشینەوە کە زیاد لە توانای خۆی نەفەری هەڵگرتبوو، بە هۆکارێکی نادیار وەرگەڕا.
لە رووداوەکەدا، 12 کۆچبەر گیانیان لەدەست دا و 20ی دیکەیش برینداربوون.
دوا بە دوای رووداوەکە تیمەکانی تەندروستیی، ئاگرکوژێنەوە، ئافاد و جەندرمە گەیشتنە شوێنی رووداوەکە.
بەهۆی رووداوەکەوە مینی پاسەکە ئاگری گرت کە لەلایەن تیمی ئاگرکوژێنەوە کوژێنرایەوە.
لە رووداوەکەدا هەروەها 20 کۆچبەر برینداربوون کە لە دوای وەرگرتنی چارەسەری سەرەتایی گواسترانەوە نەخۆشخانەکانی وان، ئەرجیش و مورادییە و تەرمەکانیش گواسترانەوە پزیشکی دادوەریی.
کۆمێنت (0)
تا ئێستا هیچ کۆمێنتێک نەکراوە.