لێژنه‌ی یاسایی و یه‌کێتی زانایان چه‌ند پرسێکی شه‌رعی و باری که‌سی و چه‌ندین یاسایی دیکه‌ تاوتوێده‌که‌ن

له‌راگه‌یاندراوێكدا، لێژنه‌ی یاسایی له‌ په‌رله‌مانی كوردستان بڵاوی كرده‌وه‌: لیژنه‌ی كاروبارى یاسایی به‌سه‌رپه‌رشتی د.بژار كۆچه‌ر سه‌رۆكى لیژنه‌و ئاماده‌بوونی ژماره‌یه‌ك له‌ئه‌ندامان و ڕاوێژكارانى لیژنه‌كه‌، له‌هۆڵی لیژنه‌ له‌ته‌لاری په‌رله‌مان له‌گه‌ڵ شاندێكى یه‌كێتیی زانایانى ئاینیى ئیسلامیى كوردستان كۆبووه‌وه‌.
لێژنه‌كه‌ ئاماژه‌ بۆ ئه‌وه‌شده‌كات: له‌ كۆبوونه‌وه‌كه‌دا چه‌ند پرسێكی یاسایى و شه‌رعى و یاساى بارى كه‌سى و چه‌ندین یاساى تر گفتوگۆیان له‌سه‌ر كراو هه‌ردوولا ڕێككه‌وتن كه‌هه‌ماهه‌نگیى زیاتر له‌نێوانیاندا هه‌بێت بۆ هه‌ڵسه‌نگاندنى چه‌ند ئه‌و یاسایانه‌ له‌ڕووى شه‌رع و واقیع و جێبه‌جێكردنیاندا.