ل پارێزگەها دهۆکێ کۆمبونا لژنا بەرهنگاریبونا بازرگانیکرنا ب مرۆڤان هاتە ئەنجامدان

  نیڤرۆیا ئەڤرۆ رێکەفتی 2021/6/30 رۆژا چارشەمبی ب سەرپەرشتیا " شمعون شلیمون ایشو " جێگرێ پارێزگارێ دهۆکێ و ب ئامادەبونا هەردۆ نڤێسینگەهێن بەرهەنگاریبونا بازرگانیکرنا ب مرۆڤان و نڤێسینگەها مافێن مرۆڤان کومبونا لژنا بەرهنگاریبونا بازرگانیکرنا ب مرۆڤان هاتە ئەنجامدان ب بەشداری و ئەندامەتیا هژمارەکا رێڤەرێن سازیێن ل داویێ ئاماژە پێ هاتیەدان 
د کۆمبونێدا گەنگەشە هاتەکرن لدور :-
ـ بازگانیکرن ب زاروکان
ـ نەهێلانا توندو تیژی و بازرگانیکرنێ ب کرێکارێن ناڤخویی بیانی
ـ دۆڤچون و نەهێلانا باندێن بازرگانیێ ب مروڤان دکەن ب تایبەت زاروکان بۆ خازوکیێ بکارتینن ل سەرجادەیان و مزگەفتان و ئاڤاهیێن جودا 
ـ هۆشیاریا جفاکی
ـ رێگری کرن ل وان سازیێن راگەهاندنێ یێن زاروکان و سنێلەیان و تەخێن جودا یێن جفاکی بکارتینن بۆ مەبەستێن بازرگانیێ یان مەبەستێن جودا
ـ پالپشتیا رێکخراۆێن ناڤخۆیی و بیانی یێن د بۆارێن مافێن مرۆڤاندا کاردکەن
ـ دۆڤجون و نەهێلانا بازرگانیکرنا نەیاسایی یا ب ئەندامێن لەشێ مروڤان 
پاش جێگرێ پارێزگارێ دهوکێ داخۆاز ژ هەموو رێڤەرێن رێڤەریێن سازیێن بەشداری کومبونێ کر بەردەوام لدۆر ڤی بابەتێ گرنگ هەموو هەولێن خو بدەنە کاری و پالپشتیا ئیدارا پارێزگەهێ بو هەموو سازیێن لسەر ڤێ یەکێ کاردکەن نیشاندا 
دوڤدا بەشداربویان ب تێرو تەسەلی بەحسا هوکارێن بازرگانیکرنا ب مرۆڤان و ئامارێن سازیێن خو دگەل هەولێن بنبرکرنا وان دیاردەیان کر،
هەژی گوتنێیە لژنا بەرهنگاریبۆنا بازرگانیکرنا ب مروڤان  پێك دهێت ژ هژمارەکا ئەندامێن رێڤەبەر یێن رێڤەریێن ل خوارێ ئاماژە پێ هاتیەدان و د کومبونا ئەڤرودا بەشدار بوین
ـ رێڤەبەریا گشتی یا پەرۆەردا دهوك
ـ ڕێڤەبەریێن کاروبارێن یاسایی و کارگێری ل پارێزگەها دهوکێ
ـ رێڤەریا گشتی یا ئەۆقاف و کاروبارێن ئاینی 
ـ رێڤەبەریا گشتی یا رەۆشەنبیری و هونەری
ـ رێڤەبەریا ئاکنجیبونێ
ـ رێڤەبەریێن گشتی یێن ئێمناهیێ
ـ رێڤەبەریا کارو دەستەبەریا کومەلایەتی
ـ رێڤەریا بەرهەنگاریبونا توندو تیژیا لدژی ئافرەتان
ـ نڤێسینگەها بەرهنگاریبونا بازرگانیکرنا ب مروڤان
ـ نڤێسینگەها مافێن مروڤان
ـ رێڤەبەریا گشتی یا ساخلەمیێ.