به‌ھۆی به‌رزبوونه‌وه‌ی پله‌كانی گه‌رما له عێراق، ده‌وامی فه‌رمی رۆژی پێنجشه‌ممه‌ی داھاتوو له پارێزگای نه‌جه‌ف و رۆژانی چوارشه‌ممه و پێنجشه‌ممه‌ی داھاتوو له پارێزگای به‌سره، كرانه پشوو.
نووسینگه‌ی راگه‌یاندنی پارێزگاری نه‌جه‌ف له راگه‌یه‌نراوێكدا ئاماژه‌ی به‌وه‌داوه كه به‌ھۆی به‌رزبوونه‌وه‌ی پله‌كانی گه‌رماوه به بڕیاری پارێزگاری نه‌جه‌ف، لوئه‌ی یاسری ده‌وامی فه‌رمی له پارێزگاكه كراوه‌ته پشوو.
ھه‌ر له‌وباره‌یه‌وه نووسینگه‌ی راگه‌یاندنی دیوانی پارێزگای به‌سره له راگه‌یه‌نراوێكدا ئاماژه‌ی به‌وه‌داوه كه به‌ھۆی به‌رزبوونه‌وه‌ی پله‌كانی گه‌رماوه به بڕیاری پارێزگاری به‌سر، ئه‌سعه‌د عیدانی ده‌وامی فه‌رمی له پارێزگاكه له رۆژانی چوارشه‌ممه و پێنجه‌شه‌ممه‌ی داھاتوو كراوه‌ته پشوو ھاتووه: "له ھه‌فته‌ی داھاتوودا، به‌ھۆی به‌رزبوونه‌وه‌ی پله‌كانی گه‌رماوه، ده‌وامی فه‌رمی له پارێزگای به‌سره تا كاتژمێر 12ی نیوه‌ڕۆ ده‌بێت".
کۆمێنت (0)
تا ئێستا هیچ کۆمێنتێک نەکراوە.