ویلایه‌ته یه‌كگرتووه‌كانی ئه‌مریكا به‌هۆی بڵاوكردنه‌وه‌ی زانیاری نادروست و نانه‌وه‌ی ئاژاوه ،ده‌یان پێگه‌ی ئه‌لیكترۆنی ئێرانی و عێراقی داخست .
وه‌زاره‌تی دادی ئه‌مریكا رایگه‌یاندووه كه جووڵه‌كردن له‌دژی 36 پێگه، وه‌ك وه‌ڵام دانه‌وه‌یه‌كی ئێران بووه ،كه له‌دژی پرۆسه‌ی هه‌ڵبژاردنه‌كانی ئه‌مریكا ئه‌نجام دراوه‌و بۆته هۆی نانه‌وه‌ی ئاژاوه له‌نێوان كاندیده‌كان و بڵاوكردنه‌وه‌ی زانیاری ناڕاست.
هاوكات تۆڕی هه‌واڵیی ئێران رایگه‌یاندووه كه داخستنی ئه‌و كه‌ناڵ و پێگانه، هه‌ڵمه‌تێكی فراوانی ئه‌مریكایه كه له‌دژی ئێران ده‌ستی داوه‌تێ.
جێگای ئاماژه‌یه ئه‌و كه‌ناڵانه‌ی كه ئه‌مریكا دایخستوون، گرووپه‌كانی سوریاو حزبوڵڵای لوبنان و هه‌ندێك میلیشیای عێراقی و حه‌ماس-ی كه‌رتی غه‌ززه له‌خۆ ده‌گرێت.
کۆمێنت (0)
تا ئێستا هیچ کۆمێنتێک نەکراوە.