یه‌کێتی تۆپی پێی کوردستان خه‌ڵاتی به‌سه‌ر باشترینه‌کانی وه‌رزی 2020 -2021 ى خولی یانه‌ پله‌ نایابه‌کان دابه‌شکر

له‌ ڕێوڕه‌سمێكدا له‌ شاری هه‌ولێر، یه‌كێتی تۆپی پێی كوردستان خه‌ڵاتی به‌سه‌ر باشترینه‌كانی وه‌رزی دووهه‌زاروبیست دووهه‌زاروبیست ویه‌كی خولی تۆپی پێی یانه‌ پله‌ نایابه‌كانی كوردستان دابه‌شكرد.
 له‌ ڕێوڕه‌سمه‌كه‌دا خه‌ڵاتی ڕێزلێنان پێشكه‌ش به‌ مه‌حموود مه‌جید ڕاهێنه‌ری یانه‌ی برایه‌تی وه‌ك باشترین ڕاهێنه‌رو سه‌فین مه‌نسوور یاریزانی یانه‌ی برایه‌تی وه‌ك باشترین یاریزان و بارزان یوسف گۆڵپارێزی هه‌مان یانه‌ وه‌ك باشترین گۆڵپارێز كرا.
 هاوكات یانه‌ی پێشمه‌رگه‌ی هه‌ولێر خه‌ڵاتی تیپی نمونه‌یی پێشكه‌شكراو به‌هادین به‌كر یاریزانی یانه‌ی سیروانی نوێ خه‌ڵاتی گۆڵكاری خوله‌كه‌ی به‌ تۆماركردنی شازده‌ گۆڵ به‌ده‌ستهێنا، جێگای باسه‌ باشترینه‌كانی خولی نایابی كوردستان له‌ ده‌نگدانی راهێنه‌ران و كاپتنی یانه‌ پله‌ نایابه‌كان و ڕۆژنامه‌نووسانی وه‌رزشی ده‌ستنیشانكران، له‌م وه‌رزه‌ی خولی نایابی كوردستاندا، یانه‌ی برایه‌تی بۆ یه‌كه‌مجار له‌ مێژووی خۆی نازناوی خوله‌كه‌ی به‌ده‌ستهێنا .