‏لژێر درووشمێ " ساخکرنا سیستەمێ ژینگەهێ" کۆمبونەکا بەرفرەهـ هاتە ئەنجامدان

  ئەڤرۆ ٢٠٢١/٦/٦ ب ئامادەبۆنا  " ماجد سەید سالح " جێگرێ پارێزگارێ دهۆکێ بو کاروبارێن تەکنیکی ب وەکالەت  و بەرێزان، " ئەندازیار دیار بەحری" رێڤەرێ گشتی یێ باژێرڤانیان و ئەندازیار " دلشاد عبدالرحمن محمد"رێڤەبەرێ فەرمانگەها پاراستنا ژینگەها دهۆکێ و  رێڤەبەرێن ،دارستان و پاوان،ئاڤا دەوروبەرا،پولیسێن دارستان و ژینگەهێ، هێزا پێشمەرگەی بۆ پاراستنا ژینگەهێ،بەرەڤانیا باژێری،   دگەل چەند رێکخراو چالاکڤان و ژینگەهــ دۆستا، ل ئاڤاهیێ رێڤەریا گشتی یا باژێرڤانیان، ژلایێ فەرمانگەها پاراستنا ژینگەهێ و لژێر دروشمێ " ساخکرنا سیستەمێ ژینگەهێ" کومبونەك هاتە رێکخستن،  د پەیڤەکێدا جێگرێ پارێزگارێ دهوێ گوت:-  ب خوشحالیڤە حکومەتا هەرێما کوردستانێ گرنگیەکا زور دایە کەرتێ ژینگەهێ، جودا ژ ٥ی حوزەیرانێ روژا جیهانی یا ژینگەهێ، حکومەتا هەرێمێ هەرسال ٤/١٦ وەکو روژا تایبەت یا پاراستنا ژینگەها هەرێما کوردستانێ دایە نیاسین هەرۆەسان چەندین فەرمانگەهــ و رێڤەبەری و سازییێن تایبەت ب پاراستنا ژینگەهێ ڤە دامەزراندیە و بەردەوام پالپشتە بۆ هەمو سازیێن د بیاڤێ پاراستنا ژینگەهێ دا کاردکەن، پاش دەستخوشی ل رێڤەریێن فەرمانگەها پاراستنا ژینگەها دهوکێ و رێڤەبەریا گشتی یا باژێرڤانیان کر بۆ ئەوان هەول و پرۆژێن تایبەت دوارێ پاراستنا ژینگەهێدا و داخوازکر هەموو جهێن پەیوەندیدار زێدەتر رولێ خو بگێرن و پشتەڤانیا پارێزگەها دهۆکێ بو دوپات کرەڤە  پاش بەژداربویان بیروبوچۆنێن خو بەرچاڤکرن لسەر رەوشا ژینگەها دەڤەرێ ب گشتی و ب تایبەت سنورێن چیایی یێن پارێزگەها دهۆکێ و تێکدانا ژینگەهێ ژ ئەگەرێ شەر و پێکدادانێن هێزێن دەرەکی کو بوینە مەترسیەك بو ژناڤچۆنا ژینگەها هەرێما کوردستانێ ب گشتی و پارێزگەها دهۆکێ ب تایبەتی  دووڤدا گەنگەشە هاتە کرن لسەر پاراستنا ژینگەها سەنتەرێ پارێزگەهێ و کێمکرنا هەموو وان ئەگەر و هۆکارێن دبنە سەدەمێ پیسبونا ژینگەهێ داکو ساخلەمیا وەلاتیان و جۆانیا باژێری و ژینگەها دەڤەرێ ب گشتی ...