وه‌زاره‌تی گواستنه‌وه‌ی عێراق رایگه‌یاند كه بوومه‌له‌رزه‌یه‌ك به‌گوڕی 5،1 پله به‌پێوه‌ری رێخته‌ر رۆژھه‌ڵاتی ناحیه‌ی مه‌نده‌لی سه‌ربه پارێزگای دیاله ھه‌ژاندووه.
نووسینگه‌ی راگه‌یاندنی وه‌زاره‌تی گواستنه‌وه‌ی عێراق له راگه‌یه‌ندراوێكدا ئاماژه‌ی به‌وه‌داوه كه روانگه‌ی بوومه‌له‌رزه‌زانی سه‌ربه ده‌سته‌ی گشتیی كه‌شناسی رایگه‌یاندووه، به‌یانی ئه‌مڕۆ یه‌كشه‌ممه، بوومه‌له‌رزه‌یه‌ك به‌گوڕی 5،1 پله به‌پێوه‌ری رێخته‌ر له دووری 25 كیلۆمه‌تر رۆژھه‌ڵاتی ناحیه‌ی مه‌نده‌لی سه‌ربه پارێزگای دیاله رۆژھه‌ڵاتی عێراق، روویداوه.
به‌پێی راگه‌یه‌ندراوه‌كه، دانیشتوانی ناحیه‌ی مه‌نده‌لی و ده‌ورووبه‌ری ھه‌ستیان به بوومه‌له‌رزه‌كه كردووه.
له راگه‌یه‌ندراوه‌كه‌دا ئه‌وه نه‌خراوه‌ته‌ڕوو، له‌وه‌ی ئایه بوومه‌له‌رزه‌كه زیانی گیانی و مادده‌ی لێكه‌وتووه‌ته‌وه یاخود نا.
کۆمێنت (0)
تا ئێستا هیچ کۆمێنتێک نەکراوە.