به‌ڕێوه‌به‌رایه‌تی گشتی مادده هۆشبه‌ره‌كان له ڕاگه‌ێندراوێكدا كه كۆپییه‌كی بۆ كوردستان تیڤی نێردراوه ڕایگه‌یاند: له به‌رده‌وامی هه‌وڵه‌كانمان بۆ بنبڕكردن و نه‌هێشتنی مادده هۆشبه‌ره‌كان و دوا به‌دوای به‌دواداچوونی ورد له لایه‌ن ئه‌فسه‌ر و كارمه‌ندانی به‌ڕێوه‌به‌رایه‌تییه‌كه‌مان، ئه‌مڕۆ یه‌كشه‌ممه له‌شاری هه‌ولێر له چالاكییه‌كی كه‌وره‌دا توانرا بازرگانێكی گه‌وره‌ی مادده هۆشبه‌ره‌كان به ناوی (ع، ج، ع) ده‌ستگیر بكرێت.ِ
ڕاشیگه‌یاند بازرگانه‌كه خه‌ڵكی ووڵاتی توركیایه و دانیشتووی شاری هه‌ولێره
هه‌روه‌ها ڕاشیگه‌یاندووه: له‌كاتی ده‌ستگیركردنی ناوبراو ده‌ست به‌سه‌ر 184 قالب مادده‌ی هۆشبه‌ر له جۆری "هیرۆین" كه بڕه‌كه‌ی ده‌كاته 92 كیلۆ گرام گیرا.
ئاماژه‌ی به‌وه‌شكردووه: تۆمه‌تباره‌كه به پێی مادده‌ی 25 له یاسای مادده هۆشبه‌ره‌كان ڕاگیراوه و په‌ڕاوی لێكۆڵینه‌وه‌ش بۆ ڕووداوه‌كه كراوه‌ته‌وه و لێكۆڵینه‌وه‌كان به‌رده‌وامن.
کۆمێنت (0)
تا ئێستا هیچ کۆمێنتێک نەکراوە.