وه‌زیری ده‌ره‌وه‌ی فه‌ڵه‌ستین سه‌ردانی عێراق ده‌كات و له‌گه‌ڵ هه‌ر سێ سه‌رۆكایه‌تییه‌كه‌ی عێراق و ژماره‌یه‌ك سه‌ركرده‌ی سیاسی كۆده‌بێته‌وه.
سبه‌ی یه‌ك شه‌ممه 23-5-2021 ریاز مالكی،وه‌زیری ده‌ره‌وه‌ی فه‌ڵه‌ستین سه‌ردانی عێراق ده‌كات و دوو نامه‌ی مه‌حمود عه‌باس، سه‌رۆكی فه‌ڵه‌ستین راده‌ستی سه‌رۆك وه‌زیرانی عێراق و سه‌رۆك كۆماری عێراق ده‌كات.
له‌مباره‌یه‌وه ئه‌حمه‌د عه‌قل،باڵیۆزی فه‌ڵه‌ستین له به‌غدا له په‌ڕه‌ی تایبه‌تی خۆیدا له تۆڕی كۆمه‌ڵایه‌تی تویته‌ر نووسیویه‌تی: ریاز مالكی وه‌ك نێرده‌ی سه‌رۆكی فه‌ڵستین سه‌ردانی عێراق ده‌كات و له‌میانه‌ی سه‌ردانه‌كه‌یدا له‌گه‌ڵ هه‌ر سێ سه‌رۆكایه‌تییه‌كه‌ی عێراق و ژماره‌یه‌ك سه‌ركرده‌ی سیاسی كۆده‌بێته‌وه.
هه‌روه‌ها ئه‌حمه‌د عه‌قل ئاماژه‌ی به‌وه‌شداوه كه ئامانج له سه‌ردانه‌كه‌دا كاراكردنی كاری سیاسی نێوان عێراق و فه‌ڵه‌ستینه و له‌و میانه‌شدا واژووكردنی هه‌ماهه‌نگی هاوبه‌شی نێوان هه‌ردوولایه .
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.