نوێنەرایەتی نەتەوە یەکگرتوەکان لەعێراق راگەیەنراوێکی لەبارەی روداوی خۆسوتاندنی گەنجێک لەبەردەم بارەگای هەولێر بڵاوکردەوە و ئاماژەی بەوەکرد، بەهاوبەشی لەگەڵ حکومەتی هەرێمی كوردستان و حکومەتی فیدڕاڵی عێراق، ناو و زانیاریی ئەو پەنابەرانە تۆمار ده‌كه‌ن، كه داوای مافی پەنابەرێتی دەکەن.
دوای دوو رۆژ لە خۆسووتاندنی گەنجەكه‌ی كوردستانی ئێران کۆمسیۆنی باڵای پەنابەرانی نەتەوەیەکگرتوەکان راگه‌یه‌ندراوێكی له‌باره‌ی ئه‌و رووداوه بڵاوکردەوە و رایگەیاند: رووداوی تراژیدی خۆسوتاندنی ئەو پەنابەرە لەبەردەم باڵەخانەی نەتەوەیەکگرتوەکان لە هەولێر، نیگەرانی کردین.
له‌راگه‌یه‌ندراوه‌كه‌دا هاتوه، تیمی تەندروستیەکانی نەتەوەیەکگرتوەکان هاوکاری پزیشکیان پێشکەش به‌و گه‌نجه کردووە و گواستویانەتەوە بۆ نەخۆشخانە.
ئاماژه‌ی به‌وه‌ش كردووه، کۆمسیۆنی باڵای پەنابەرانی نەتەوەیەکگرتوەکان بە هاوبەشی لەگەڵ حکومەتی هەرێمی کوردستان و حکومەتی عێراق کاردەکات بۆ تۆمارکردنی ناو و زانیارییەکانی ئەو پەنابەرانەی داوای مافی پەنابەرێتی دەکەن، بەگوێرەی ستاندارد و یاسا نێودەوڵەتیەکانی تایبەت بە پەناخوازان.
ئه‌وه‌شی باسكردووه بەبێ جیاوازی هاوکاری راستەخۆ پێشکەشی هەمو ئەو پەنابەرانە دەکەن، کە لە هەرێمی کوردستان و عێراقن، هاوکارییەکانیش بریتین لە، خزمەتگوزارییەکانی پارستن، هاوکاری دارایی و یاسایی.
جەختی لەسەر ئەوەش کردەوە، پشتیوانی دامەزراوەکانی حکومەتی هه‌رێمی كوردستان دەکەین بۆ دابینکردنی خزمەتگوزارییە گشتییەکانی بۆ پەنابەران وەك، خزمەتگوزاری تەندروستی، پەروەردە، ئاو و کارەبا.
کۆمێنت (0)
تا ئێستا هیچ کۆمێنتێک نەکراوە.