شه‌ممه‌ی داهاتوو هه‌ردوو یانه‌ی به‌رسه‌لۆناو ئه‌تله‌تیكۆ مه‌رید له‌به‌رده‌م تاقیكردنه‌وه‌یه‌كی قورسدان، ئه‌تله‌تیكۆ مه‌دریدی پێشه‌نگی ریزبه‌ندی لالیگا گه‌شتی هه‌رێمی كه‌ته‌لۆنیا ده‌كات و رووبهرووی بارسه‌لۆنا ده‌بێته‌وه.
ئه‌م یاریه له كاتێكدایه ئه‌تله‌تیكۆ له سه‌رووی لیستی ریزبه‌ندی خوله‌كه دێت به كۆكرنه‌وه‌ی حه‌فتاوشه‌ش خاڵ و بارسه‌لۆنا به حه‌فتاوچوار خاڵ له پله‌ی سێه‌م دایه، ئه‌نجامی ئه‌م یاریه تا ڕاده‌یه‌كی زۆر نازناوی پاڵه‌وانی ئه‌م وه‌رزه‌ی لالیگا دیاریده‌كات.
دیێگۆ سیمۆنی راهێنه‌ری ئه‌ته‌له‌تیكۆ مه‌درید ڕایگه‌یاند، خۆسێ ماریا خیمینز و رینان لۆدی و تۆماس لیمار به‌هۆی پێكان به‌شدریان له یه‌كه‌ی راهێنانی دوێنێی تیپه‌كه‌دا نه‌كردووه‌و تیمی پزیشكی بڕیاری كۆتایی له‌سه‌ر چاره‌نووسی ئه‌م سێ یاریزانه بۆ یاری به‌رامبه‌ر بارسه‌لۆنا ده‌دات، پێكانی لیمار له كاتێدایه رۆژی سێشه‌ممه مه‌شقی كردبوو، هه‌رچی خۆسێ ماریا خیمینزه به درێژایی ئه‌م هه‌فته‌یه به‌شداری راهێنانه‌كانی نه‌كردوه.
هه‌روه‌ها رینان لۆی ته‌مه‌ن بیست وسێ ساڵ به هه‌مان شێوه هه‌فته‌ی رابردوو به‌شداری هیچ یه‌كه‌یه‌كی مه‌شقی نه‌كردوه، بۆیه سیمیۆنی له چاوه‌ڕوانی بڕیاری تیمی پزیشكی تیپه‌كه‌ی ده‌بێت تا چاره‌نووسی ئه‌م سێ یاریزانه بۆ یاری به‌رامبه‌ر به‌رسه‌لۆنا دیاری بكات.
له‌لالیگادا بارسێلۆنا و ئه‌تله‌تیکۆ مه‌درید له‌به‌رده‌م تاقی کردنه‌وه‌یه‌کی قورسدا رووبهرووی یه‌ک ده‌بنه‌وه
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.