مانچستەر سیتی گەیشتە یاری کۆتایی خولی یانه‌ پاڵه‌وانه‌کانی ئه‌وروپا

یانه‌ی مانچستەر سیتی ئینگلیزی  لە پاریس سان جێرمانی فه‌ره‌نسی بردەوە و  گه‌یشته‌ یاری كۆتایی خولی یانه‌ پاڵه‌وانه‌كانی ئه‌وروپا.

شه‌وی رابردوو له‌یاری گه‌ڕانه‌وه‌ له‌قۆناغی پێش كۆتایی خولی یانه‌ پاڵه‌وانه‌كانی ئه‌وروپا، یانه‌ى مانچسته‌ر سیتی میوانداری پاریس سانجێرمانی كرد.

یاریەکەش بە دوو گۆلی بێبەرامبەر لە سوودی مانچسته‌ر سیتی  به‌كۆتا هات، هەردوو گۆڵەکەش ریاز مەحرز لەخولەکەکانی 11 و 63 تۆماری كرد .

لە خولەکی 69ی تایمی دووه‌می یارییه‌كه‌ش ناوبژیوان دی ماریای بە کارتی سوور کردە دەرەوەی یاریەکە.

بەئەنجامی یاری چوون و گەڕانەوە، مانچستەرسیتی بە چوار گۆڵ بەرامبەر بە گۆڵێک سەرکەوت بۆ یاری كۆتایی خولی یانه‌ پاڵه‌وانه‌كانی ئه‌وروپا.