قایمقامیەتی قەزانی ناوەندی هەولێر دەستبەسەرداگرتنی (1000) ھەزار کیلۆ گۆشتی ھیندی ڕاگەیاند.
لە ڕاگەیەندراوێكی قایمقامیەتی هەولێر هاتووە: لە ڕێکەوتی 2-5-2021 لەلایەن ئاسایشی بازگەکانی پارێزگای ھەولێر لە بازگەی (خازر) توانرا دەست بگیرێت بەسەر بڕی ھەزار کیلۆ گۆشتی ھیندی قەدەغەکراو، خاوەنەکەی ھەوڵیداوە بەشێوەی شاراوە لە پارێزگای موصلەوە ھاوردەی پارێزگای ھەولێری بکات.
راشیده‌گه‌یه‌نن: گۆشتەكە لەلایەن لێژنەی پشکنین وچاودێری بازاڕ لەقایمقامیەتی قەزای ناوەندیی ھەولێر پشکنینی پێویستی بۆ ئەنجامدرا، دەرکەوت ئەم جۆرە گۆشتە ڕێگەپێدراو نیە، بۆ ئەم مەبەستە ڕێکاری یاسایی گیرایەبەر، سەرجەمی ئەم بڕە گۆشتەی سەرەوە لەناو بردرا.
کۆمێنت (0)
تا ئێستا هیچ کۆمێنتێک نەکراوە.