ئەڤرۆ رۆژا ئێک شەمبی رێکەفتی ٢ی گۆلانا ٢٠٢١ “د.عەلی تەتەر” پارێزگارێ دهۆکێ پێشوازیی ل شاندەکێ دیپلوماسی یێ ئیسپانیا کو پێک دهات ژ “ئەرنستو دی لاورنتیس، فرانسیسکو گورباچو” نوینەر و بەرپرسێن ئۆفیسا ئیسپانیا ل هەولێرێ و ب بەرهەڤبوونا ”فاخر گراڤی”رێکخەرێ پەیوەندیێن هەرێما کوردستانێ و دەولەتا ئیسپانیا و “عەبدولرەحمان کەمەکی” رێڤەبەرێ سەنتەرێ ڤیزا ئیسپانی ل هەرێما کوردستانێ و عیراقێ کر.
درۆینشتنەکێدا پشتی بخێرهاتنا شاندێ مێهڤان سۆپاسیا پيشوازیا گەرما پارێزگارێ دهۆکێ کر و راگەهاند:جهی داخێ یە هەتا نۆکە مە کونسلخانە و نوینەراتیەکا بەرفرەهـ ل هەرێما کوردستانێ نینە و ئەم هیڤیدارین پەیوەندیێن هەردوو وەلاتان بەرەڤ پێشڤەبچن و بەرفرەهتر لێ بهێن و دبەرنامێ مەدایە زێدەتر هاریکاریێن مرۆڤایەتی پێشکێشی هەرێما کوردستانێ بکەین و دادیارکرن سەنتەرەکێ پیدانا ڤیزا ئسپانی ل دهوکێ دێ ڤەکەن.
پارێزگارێ دهۆکێ دپەیڤەکێدا سۆپاسیا هاتنا شاندێ ئیسپانی کر و راگەهاند هەرێما کوردستانێ و وەلاتێ ئیسپانیا پەیوەندیێن وان دئاسایی و بەردەوامن هیڤیدارین پتر دئاستێ دیپلۆماسی دا بەرەڤ پێشڤەبچن و ڤەکرنا سەنتەرێ پێدانا ڤیزا ئیسپانی ل پارێزگەها دهۆکێ پێنگاڤەکا گرنک و جهێ سۆپاسی و دەست خۆشیێ یە، هەروەسا پارێزگارێ دهۆک گوت: نەبتنێ دئاستێ هاریکاریێن مرۆڤایەتیدا بەلکی دئاستێ گەشتوگوازێ و پیشەسازی و چاندن و خاندنا بلند ئەم دێ گەلەک مفایی ژ ئەزموونا ئیسپانیا بینین و داخوازدکەین ئاسانکاریان بو هاولاتیێن هەرێما کوردستانێ و پارێزگەها دهۆکێ بکەن و دەرگەهێن مە بو دوستێن مە یێن ئیسپانی دڤەکرینە.
شاندێ دیپلۆماسی یێ دەولەتا ئیسپانیا ل دوماهیا دیدارا خو راگەهاند: هەرێما کوردستانێ بومە ئارامترین دەڤەرە ل سەر ئاستێ رۆژهەلاتا ناڤەراست.
کۆمێنت (0)
تا ئێستا هیچ کۆمێنتێک نەکراوە.