دچوارچووڤێ بەرنامێ پارێزگارێ دهۆکێ بۆ مەها رەمەزانا پیرۆز ئەڤرۆ رۆژا شەمبی رێکەفتی ٢٠٢١/٥/١ ب چاڤدێریا “د.عەلی تەتەر” پارێزگارێ دهۆکێ هەوەکا هاریکاریێن ئازوقەیی بو تەخا کرێکاران درۆژا جیهانیا کرێکاران و ٩ کۆمەلیێن خۆدان پێدڤیێن تایبەت ل سنۆرێ هەمی دەڤەرداریێن پارێزگەها دهۆکێ هاتە راگەهاندن.
هاریکاریێن ئازوقەیی ئەڤرۆ ل دەمژمێر ١٠ی سپێدێ ل بارەگایێ کۆمەلا کۆرتەبالایێن کوردستانێ-لقێ دهۆک دەستپێکر کو ژ ١٥٠٠ بەهرێن خارنێ پێکهاتبوو و ٧٥٠ خێزانێن ئەندامێن ٩ کۆمەلە و ئێکەتیێن خۆدان پێدڤیێن تایبەت ل پارێزگەها دهۆکێ دێ مفاداربن.
هەر ئەڤرۆ دەمژمێر ١١ی سپێدێ بهەلکەفتا رۆژا جیهانیا کرێکاران ب بەرهەڤبوونا ئێکەتیا سەندیکایێن کرێکاران ل پارێزگەها دهۆکێ و رێڤەبەریا بەرهەنگاربوونا قەیرانان هاریکاریێن پارێزگارێ دهۆکێ گەهاندنە مەیدانکا کارێ کرێکاران ل سەنتەرێ باژێرێ دهۆکێ و چەند کارگەهـ و جهێن کاری یێن کرێکارێن ئافرەت و زەلام لێ کاردکەن و دهەوا ئەڤرۆ دا ٦٠٠ کرێکار ژڤان هاریکاریان دمفاداربوون.
هەژی گوتنێ ژ دەستپێکا مەها رەمەزانا پیرۆز بەردەوام هاریکاریێن پارێزگارێ دهۆکێ دگەهنە کەسانێن دەستکۆرت و کێم دەرامەت و پێدڤی.
کۆمێنت (0)
تا ئێستا هیچ کۆمێنتێک نەکراوە.