له ڕاگه‌ێندراوێكدا وه‌زاره‌تی ئه‌وقاف و كارو باری ئایینی چه‌ند ڕێنماییه‌كی تایبه‌ت به شه‌وانی قه‌در ده‌ركرد و تیایدا ڕایگه‌یاند: شەوی قەدری پیرۆز لەکاتژمێر ١٢ شەو تاکو ئەنجامدانی نوێژی بەیانی مزگەوتەکان کراوە دەبن.
ده‌قی ڕاگه‌ێندراوه‌كه:
بەناوی خوای گەورەو میھرەبان مامۆستایانی ئایینی بەڕێزو نوێژ خوێنانی خۆشەویست ئاماژە بە بەیانى ژمارە(١٧)ی ساڵی ٢٠٢١ ى لێژنەى باڵاى بەرنگاربوونەوەى ڤایرۆسى كۆرۆنا لەپێناو پاراستنی تەندروستی و گیانی نوێژخوێنان بۆشەوی قەدری پیرۆز بریارماندا بە دەرچوواندنى ئەم رێنماییانە.
یەکەم : شەوی قەدری پیرۆز لەکاتژمێر ١٢ شەو تاکو ئەنجامدانی نوێژی بەیانی مزگەوتەکان کراوە دەبن
دووەم : مەرجە ھەموو کەسێک لەناو مزگەوت ماسک ببەستێ. سێیەم : دەست نوێژ لەماڵەوە ئەنجام دەدرێ ، نوێژ خوێنان بەرماڵی تایبەت لەگەڵ خۆیان دەھێنن و دووری نێوانیان رەچاو بکرێ لە مەترو نیوێك تا دوو مەتر.
چوارەم : خواردن و خواردنەوە پێشکەش ناکرێ
پێنجەم : پاراستنی پاک و خاوێنی ناو مزگەوت بەگشتی
شەشەم : لەکاتی بونى سەرپێچی، دەسەڵات دەدرێتە ئەوقافەکان بۆ جێبەجێكردنی رێكارەكانی كارگێری و یاسایی بەرامبەر سەرپێچیكاران
حەوتەم : بەرێوەبەرایەتی گشتی ئەوقافی پارێزگاکان و ئەوقافی قەزاکان بەدواداچوونی بەردەوام بۆ جێبەجێ کردنی رێنمیایەکان دەکەن
ھەشتەم : دەزگاکانی راگەیاندن دوای ( ڕێپێدانی ئەوقافی پارێزگا ) دەتوانن روماڵی شەوی قەدر لەمزگەوتەکان بکەن
نۆیەم: ئەم رێنمایانە لەشەوی قەدری پیرۆز لەلایەن مامۆستای ئایینی مزگەوت و نوێژخوێنان وەک خۆی جێ بەجێ دەکرێن
وەزارەتى ئەوقاف و كاروبارى ئایینى ٣٠⁄٤⁄٢٠٢١
کۆمێنت (0)
تا ئێستا هیچ کۆمێنتێک نەکراوە.