دوای نیوەڕۆی ئەمڕۆ پێنجشەممە، لە کوێستانەکانی حاجی ئۆمەران بەهۆی پێدا تەقینەوەی مین، هاووڵاتییەک بە سەختی برینداربوو.
عەبدولوەهاب مەحموود، بەڕێوەبەری شارەدێی حاجی ئۆمەران بە کوردستان تیڤی ڕاگەیاند: هاووڵاتییەکە ناوی (ئەرسەلان محەمەد وسو) تەمەن 35 ساڵە و دانیشتووی حاجی ئۆمەرانە، دوای نیوەڕۆی ئەمڕۆ بە مەبەستی بەدەستهێنانی گیا بەهارییەکان ڕووی لە بناری چیای کۆدۆ کردووە، لەو ناوچەیە مینێکی دژە کەسی پێدا تەقیوەتەوە و قاچێکی بە سەختی بریندار بوو.
ڕاشیگەیاند: دواتر بریندارەکە لەلایەن خەڵکی ناوچەکە و بنکەی بەرگری شارستانی حاجی ئۆمەران گەیەندراوەتە بنکەی تەندروستی حاجی ئۆمەران و دوای فریاگوزاری سەرەتایی ڕەوانەی نەخۆشخانەی چۆمان کراوە، لەوێش بەهۆی سەختی برینەکەی ڕەوانەی نەخۆشخانەی ئیمیرجنسی لە شاری هەولێر کراوە.
کەریم سمکۆ
کۆمێنت (0)
تا ئێستا هیچ کۆمێنتێک نەکراوە.