په‌رله‌مانی کوردستان به‌دواداچوون بۆ پرسى گرانبوونی نرخی به‌نزین ده‌کات

له‌راگه‌یاندراوێكدا لیژنەی وزەو سامانە سرووشتییەکان و پیشەسازی و بازرگانی په‌رله‌مانی كوردستان رایده‌گه‌ێنێت: له‌كۆبوونه‌وه‌یه‌كی لێژنه‌كه‌ماندا به‌ئاماده‌بوونى سه‌رۆك و ته‌واوی ئه‌ندامانی دیكه‌ به‌رێوه‌چوو پرسی گرانبوونی نرخی به‌نزین تاووتوێ كرا .

له‌راگه‌یاندراوه‌كه‌ی لێژنه‌كه‌دا هاتووه‌: لەکۆبوونەوەکەدا باس لەپرسی گرانبوونی نرخی بەنزین و خراپیی جۆرو کوالێتییەکەی کرا، دوای گفتوگۆکردن لەسەر ئەو پرسه‌و بیروڕا گۆڕینەوە به‌مه‌به‌ستی دۆزینەوەی چارەسەرێك، بڕیاردا یاداشتێکی تایبەت بەو پرسە لەلایەن لیژنەكه‌وه‌ ئاراستەی ئەنجوومەنی باڵای نەوت و گازی ھەرێمی کوردستان بکرێ بۆ زانینی هۆكاره‌كان.