ئەمڕۆ ۲۷ی نیسانی ۲۰۲۱ بەئامادەبوونی هەریەک له (د. سامان حسێن بەرزنجی)وەزیری تەندروستی حکومەتی هەرێمی کوردستان و(ئومێد خۆشناو)پارێزگاری هەولێر و (د. دلۆڤان محه‌مه‌د فاتیح جه‌لال) بەڕێوەبەری گشتی تەندروستی هەولێر و قائیمقامی قەزای ناوەندی هەولێر، لەنێو چەقی بازاڕی شاری هەولێر بنکەی پشکنینی ڤایرۆسی کۆڕۆنا دەست بەکارەکانی کرد.
دوای سەردانیکردنی ئەو بنکەی کە دانراوە بۆ پشکنینی کۆڕۆنا بۆ هاوڵاتیان لەنزیکەوە پرۆسەی پشکنین و وەرگرتنی سەمپل لەهاونیشتیمانیان بینی و لەگەڵ هاونیشتیمان پشکنینی کۆڕۆنایان ئەنجامدا.
شایەنی باسە بەڕێوەبەرایەتی گشتی تەندروستی هەولێر بۆ مەبەستی لەنزیکەوە ئاگاداربوون لە تەندروستی هاوڵاتیان و دانانی دوو کابینە لەباغی شار و پارکی "سامی عبدالڕحمان" بۆ پشکنینی کۆڕۆنا و دڵنیابوون و بەرچاوڕوونیەک بۆ دڵنیابوون و دەستنیشانکردنی توشبوانی ڤایرۆسی کۆڕۆنا لەنێو شوێنە گشتیەکان، بۆ ئەم مەبەستە لەکۆنگرەیەکی ڕۆژنامەوانیدا باسی لەوەکرد کە هاونیشتیمانیان دەبێت پشکنینی خۆیان بکەن بۆ دڵنیابوون لەتەندروستی خۆیان و وەرگرتنی ڕێنمایێەکانی خۆپارێزی لەکاتی پشکنین، وەرگرتنەوەی زانیاری دەتوانن لەڕێگەی سەنتەری داتاو زانیاری ئەنجامی پشکنینەکە وەربگرنەوە.
ڕاشیگه‌یاند: دلنیابن لەتەندروستی خۆیان و پاراستنی خانەوادەکانیان لەم ڤایرۆسە.
ڕاگەیاندنی بەڕێوەبەرایەتی گشتی تەندروستی هەولێر
کۆمێنت (0)
تا ئێستا هیچ کۆمێنتێک نەکراوە.