سوپای عێراق رایگه‌یاند كه 13 تیرۆریستی داعشی له پارێزگای نه‌ینه‌وا باكووری عێراق، ده‌ستگیركراون.
شانه‌ی راگه‌یاندنی ئه‌منی سه‌ربه ئۆپه‌راسیۆنه ھاوبه‌شه‌كانی عێراق له راگه‌یه‌نراوێكدا ئاماژه‌ی به‌وه‌داوه كه ھێزه‌كانی ئاسایشی نیشتمانیی پشت به‌ستن به زانیارییه‌كانی ھه‌واڵگریی، زنجیره‌یه‌ك ئۆپه‌راسیۆنیان له ژماره‌یه‌ك ناوچه‌ی پارێزگای نه‌ینه‌وا ئه‌نجامداوه و ھاتووه: له میانی ئۆپه‌راسیۆنه‌كاندا، 13 تیرۆریستی داعش، ده‌ستگیركراون.
به‌پێی راگه‌یه‌نراوه‌كه، تیرۆریسته ده‌ستگیركراوه‌كان له به‌ناو سه‌ربازگه‌كانی گشتیی سه‌ربه داعش چه‌كداربوون.
باس له‌وه‌شكراوه كه ده‌ستگیركراوه‌كان له میانی وه‌رگرتنی گوته‌كانیاندا، دانیان به‌وه‌داناوه كه چه‌ندین كرده‌ی تیرۆریستییان دژبه ھاووڵاتییان و ھێزه ئه‌منییه‌كان ئه‌نجامداوه و باس له‌وه‌شكراوه كه تیرۆریسته ده‌ستگیركراوه‌كان ره‌وانه‌ی لایه‌نه‌كانی یاسایی په‌یوه‌ندیدار كراون بۆ ئه‌وه‌ی رێوشوێنی عادیلانه له‌به‌رامبه‌ریان بگیرێته‌به‌ر.
کۆمێنت (0)
تا ئێستا هیچ کۆمێنتێک نەکراوە.