وابڕیاره ئه‌مڕۆ سێشه‌ممه محه‌مه‌د جه‌واد زه‌ریف، وه‌زیری ده‌ره‌وه‌ی ئێران، دوای دیدار و كۆبوونه‌وه‌كانی له به‌غدا سه‌ردانی هه‌ولێر بكات و له‌گه‌ڵ به‌رپرسانی باڵای هه‌رێمی كوردستان كۆبێته‌وه.
دوێنێ دووشه‌ممه محه‌مه‌د جه‌واد زه‌ریف، وه‌زیری ده‌ره‌وه‌ی ئێران، به‌سه‌ردانێكی فه‌رمی گه‌یشته به‌غدا پایته‌ختی عێراق و له‌گه‌ڵ هه‌ریه‌ك له هاوتا عێراقییه‌كه‌ی، فوئاد حوسێن و سه‌رۆك كۆماری عێراق و محه‌مه‌د حه‌لبوسی، سه‌رۆكی ئه‌نجوومه‌نی نوێنه‌ران، كۆبووه‌وه و تاوتوێی په‌یوه‌ندییه دوو قۆڵییه‌كان و ره‌وشی ناوچه‌كه‌یان كرد.
هه‌ر دوێنێش نووسینگه‌ی راگه‌یاندنی سه‌رۆكوه‌زیرانی عێراق بڵاویكرده‌وه، كه مسته‌فا كازمی ،سه‌رۆك وه‌زیرانی عێراق و محه‌مه‌د جه‌واد زه‌ریف ،وه‌زیری ده‌ره‌وه‌ی ئێران له‌میانی دیدارێكدا تاوتوێی په‌ره‌پێدان به په‌یوه‌ندییه دووقۆڵییه‌كانی نێوان هه‌ردوو وڵات و به‌هێزكردنی ئاڵوگۆڕی بازرگانی له‌نێوان به‌غدا و تاران- یان كردووه.
کۆمێنت (0)
تا ئێستا هیچ کۆمێنتێک نەکراوە.