کارۆخ خۆشناو - سەرۆکی ئینستیتیوتی توێژینەوەی ئەمریکی-کوردی له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به په‌یوه‌ندییه‌كانی ئه‌مه‌ریكا و توركیا رایگه‌یاند
په‌یوه‌ندی ئه‌مه‌ریكا و توركیا هه‌لبه‌زو دابه‌زینی زۆری به سه‌ر هاتووه ، هه‌ر له‌سه‌ره‌تای سه‌ده‌ی بیست و یه‌ك به‌تایبه‌تی كه توركیا رێگه‌ی نه‌دا بنكه‌ی ئه‌نجه‌رلیك به‌كار بێنێت بۆ رووخاندنی رژێمی به‌عس ، هه‌روه‌ها توركیا له شه‌ری دژ به داعش نه‌هاته ناو ئه‌و هاوپه‌یمانییه‌ی كه پێكهێنرا دژ به داعش . هه‌روه‌ها پرسی گرتنی قه‌شه‌یه‌ك له لایه‌ن توركیاوه ئه‌وه‌ش زیاتر وای كرد كه گرژییه‌كان له نێوان ئه‌و دوو وڵاته زیاتر په‌ره بسێنێت .
ئه‌و بڕیاره‌ی جۆبایدن سه‌باره‌ت به جینۆسایدناساندنی ئه‌رمه‌نه‌كان ئه‌وه‌ش پشتیوانیه‌كی گه‌وره‌ی وڵاتانی جیهانی لێكه‌وته‌وه و بووه هۆی ئه‌وه‌ی توركیا زیاتر گۆشه‌گیر بكات ، ئه‌مه‌ش وا ده‌كات پرسی به ئه‌ندام بوونی توركیا له یه‌كێتی ئه‌وروپا و ئه‌و هه‌وڵانه‌ی كه ده‌دران زیاتر پاش بكه‌وێت .
ئه‌وه‌ی بایدن هه‌نگاوی یه‌كه‌مه ئه‌گه‌ر پشتیوانی جیهانی به دواوه بێت ئه‌وا توركیا زیاتر ئیحراج ده‌بێت .
له گه‌ڵ ئه‌وه‌ش ئه‌مه‌ریكا نایه‌وێت توركیا له ده‌ست بدات و توركیا بخاته به‌ره‌ی روسیا و چین .
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.