له‌هه‌فته‌ی خولی یانه‌كانی ئینگلته‌را، یانه‌ی چێڵسی سێ خاڵی گرنگی له ده‌ره‌وه‌ی یاریگای خۆی به‌ده‌ستهێناو به گۆڵێكی بێ به‌رامبه‌ر له یانه‌ی وێستهام یونایتدی میوانداری برده‌وه.
یاریزانانی بلوز له هێرش و فشاره‌كانیان ده‌ستپێشخه‌ربوون و چه‌ندین هێرشیان كرده سه‌ر گۆڵی وێستهام یونایتد، تا له خوله‌كی چل وسێدا، تیمۆ ڤێرنێری ئه‌ڵمانی سوودی له ده‌رفه‌تێك وه‌رگرت و گۆڵێكی بۆ یانه له‌نده‌نیه‌كه تۆماركرد.
له‌به‌رامبه‌ریشدا، یاریزانانی وێستهام هه‌وڵی یه‌كسان كردنه‌وه‌ی ئه‌نجامی یاریاندا، به‌ڵام هه‌وڵه‌كانیان بێسوود بوو، هه‌ر له یاریه‌كه‌دا، ناوبژیوان به كارتی سوور، فابیان بالبوێنای پاراگوایی و به‌رگریكاری وێستهامی كرده ده‌ره‌وه‌ی یاریگا.
به‌م بردنه‌وه‌ش كۆی خاڵه‌كانی چێڵسی له پله‌ی چواره‌می ڕیزبه‌ندی یانه‌كان بۆ په‌نجاوهه‌شت خاڵ به‌رزبووه‌وه‌و وێستهام یونایتدیش به په‌نجاوپێنج خاڵ له پله‌ی پێنجه‌می ڕیزبه‌ندی مایه‌وه.
چێڵسی 3 خاڵی گرنگی له وێست هام یونایتد وه‌رگرت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.