نێچیرڤان بارزانی، سه‌رۆكی هه‌رێمی كوردستان رایده‌گه‌ێنێت، هه‌رێمی كوردستان به هه‌موو شێوه‌یه‌ك ئاماده‌ی هه‌موو هاوكارییه‌كی پێویسته و نه‌خۆشخانه‌كانی به ته‌واوی ئاماده‌ن بۆ پێشوازیكردن له بریندارانی ڕووداوه‌كه و پێشكه‌شكردنی هه‌موو چاودێرییه‌كی پزیشكیی پێویست.
ڕاگه‌یه‌نراوێك له سه‌رۆكی هه‌رێمی كوردستانه‌وه
ڕووداوی به‌ئازار و دڵته‌زێنی ئاگركه‌وتنه‌وه‌ی شه‌وی ڕابردوو له نه‌خۆشخانه‌ی ئیبن ئه‌لخه‌تیبی تایبه‌ت به نه‌خۆشه‌كانی كۆرۆنا له به‌غدا كه تیایدا ده‌یان كه‌س گیانیان له ده‌ست دا و بریندار بوون، هه‌موومانی هه‌ژاند.
پرسه و سه‌ره‌خۆشیی قووڵم ئاراسته‌ی خانه‌واده و كه‌سوكاری قوربانیان و ته‌واوی گه‌لی عێراق ده‌كه‌م، هاوسۆز و هاوبه‌شی خه‌م و په‌ژاره‌یانم. له خوای مه‌زن داواكارم گیانیان به به‌زه‌یی و میهره‌بانیی خۆی شاد بكات و شیفای به‌په‌له بۆ برینداران بنێرێت.
هه‌رێمی كوردستان به هه‌موو شێوه‌یه‌ك ئاماده‌ی هه‌موو هاوكارییه‌كی پێویسته و نه‌خۆشخانه‌كانی به ته‌واوی ئاماده‌ن بۆ پێشوازیكردن له بریندارانی ڕووداوه‌كه و پێشكه‌شكردنی هه‌موو چاودێرییه‌كی پزیشكیی پێویست.
لایه‌نه په‌یوه‌نداره‌كان ده‌بێ هۆكاره‌كانی كه‌وتنه‌وه‌ی ئاگره‌كه ئاشكرا بكه‌ن و لێچینه‌وه له هه‌ر كه‌مته‌رخه‌مییه‌كدا بكرێت و له هه‌موو شوێنێك ئه‌وپه‌ڕی ڕێكاره‌كانی سه‌لامه‌تی بگیرێنه‌به‌ر بۆ ئه‌وه‌ی جارێكی دیكه ڕووداوی وا دڵته‌زێن له هیچ شوێنێكی وڵات دووباره نه‌بنه‌وه.
نێچیرڤان بارزانی
سه‌رۆكی هه‌رێمی كوردستان
2021/4/25
کۆمێنت (0)
تا ئێستا هیچ کۆمێنتێک نەکراوە.