له‌چوارچێوه‌ی ركابه‌رییه‌كانی گه‌ری سی و سێی خولی ئیسپانیا، یانه‌ی ئه‌تله‌تیكۆ مه‌درید گۆلبارانی یانه‌ی ئیباری كردو به‌پێنج گۆلی بێ به‌رامبه‌ر سه‌ركه‌وتنی به‌ده‌ست هێنا.
له‌سه‌ره‌تای یاریه‌كه ئه‌تله‌تیكۆ به‌هێزه‌وه ده‌ستی به‌ركابه‌ریه‌كه‌كرد، له‌خوله‌كی چل و دوو ئه‌نخیل دی كۆریا گۆلی پێشكه‌وتنی تۆماركرد، دوو خوله‌ك دوای ئه‌م گۆڵه ئه‌نخیل دی كۆریا گۆلی دووه‌می خۆی و یانه‌كه‌ی تۆماركرد.
گێمی یه‌كه‌م ئه‌تله‌تیكۆ مه‌درید به‌دوو گۆلی بێ وه‌لام له‌پێشه‌وه‌بوو، له‌گێمی دووه‌م و له‌خوله‌كی چل و نۆ یانك فیریرا پاسێكی جوانی خرایه پێش و دوای یاریكردن به‌گۆلپارێز و هێلی به‌رگری گۆلی سێیه‌م و دلنیایی بۆ یانه‌كه‌ی تۆماركرد، كورانی سیمۆنی چاویان له‌گۆلی دیكه بوو، له‌خوله‌كی په‌نجاو چوار ماركۆس لۆرنتی گۆلی چواره‌می به‌ده‌ست هێنا، دوابه‌دوای ئه‌م گۆڵه و له‌خوله‌كی شه‌ست و هه‌شت ماركۆس لۆرنتی گۆلی پێنج و كۆتایی بۆ یانه‌كه‌ی به‌ده‌ست هێنا.
به‌مجۆره یانه‌ی ئه‌تله‌تیكۆ مه‌درید براوه‌ی سێی خألی یاریه‌كه بوو و پارێزگاری له‌پێشه‌نگی ریزبه‌ندی لالیگا كرد.
کۆمێنت (0)
تا ئێستا هیچ کۆمێنتێک نەکراوە.