سه‌رۆکی دەستەی ئه‌رکان و شاندێکی هێزه‌کانی ئه‌ڵمانیا تاووتوێی په‌یوه‌ندییه‌کانی پێشمه‌رگه‌ و و هاوپه‌یمانان ده‌که‌ن

له‌راگه‌یاندراوێكدا وه‌زاره‌تی پێشمه‌رگه‌ی هه‌رێمی كوردستان بڵاوی كرده‌وه‌: ئه‌مڕۆ یه‌كشه‌مه‌ 18 ى 4 ى 2021 ،  فه‌ریق جه‌مال مه‌حه‌مه‌د سه‌رۆكی دەستەی ئه‌ركانی وه‌زاره‌تی پێشمه‌رگه‌،  پێشوازی له‌ كۆڵۆنێڵ یۆرك، به‌رپرسی هێزه‌كانی ئه‌ڵمانیا له‌ شاری هه‌ولێر و شاندێكی یاوه‌ری كرد.
وه‌زاره‌ت رایده‌گه‌ێنێت: له‌و دیداره‌دا، باس له‌ بارودۆخی هه‌رێمی كوردستان و عێراق و ناوچه‌كه‌  كرا و تیشكخرایه‌ سه‌ر په‌یوه‌ندی نێوان  وه‌زاره‌تی پێشمه‌رگه‌ و هێزه‌كانی هاوپه‌یمانان به‌گشتی و هێزه‌كانی ئه‌ڵمانیا به‌تایبه‌تی.
ئاماژه‌ بۆ ئه‌وه‌ش ده‌كه‌ن: كه‌هه‌ر له‌و دیداره‌دا  باسی هاوكاریە لوجستیەکان بۆ پێشمه‌رگه‌ و سود وه‌رگرتن له‌ توانای  هێزه‌كانی ئه‌ڵمانیا كرا. 
شایانی باسە له‌ رابردودا ئه‌ڵمانیا له‌رووی مه‌شق وراهێنان و گه‌یاندنی هاوكاری بۆ پێشمه‌رگه‌ رۆڵی به‌رچاوی هه‌بووه‌.